ឃាត់ខ្លួនបុរស១នាក់ ជួញដូរដោយខុសច្បាប់នូវសារធាតុញៀន ដកហូតថ្នាំញៀនបាន ១០កញ្ចប់

ខេត្តកណ្ដាល៖ តូចពេលកើតហេតុកាលពី: ថ្ងៃទី១០ ខែសីហា ឆ្នាំ២០២០ វេលាម៉ោងប្រម៉ាណ ១០និង៣០នាទីនៅផ្ទះជនសង្ស័យ ភូមិព្រែកប៉ុក ឃុំព្រែកស្ដី ស្រុកកោះធំ ខេត្តកណ្ដាល ។
ជនសង្ស័យ ០១នាក់(ឃាត់ខ្លួន) ឈ្មោះ គង់ រដ្ឋា (ហៅយួន) ភេទប្រុស អាយុ ៣៦ឆ្នាំ ជនជាតិខ្មែរ មានទីលំនៅភូមិព្រែកប៉ុក ឃុំព្រែកស្ដី ស្រុកកោះធំ ខេត្តកណ្ដាល មុខរបរមិនពិតប្រាកដ ។
វត្ថុតាងចាប់យក៖ ១-ម្ស៉ៅក្រាមពណ៌សថ្លាសង្ស័យសារធាតុញៀន ចំនួន ១០កញ្ចប់តូច។ ២-ប្រអប់ស្ករកៅស៊ូDoublemint ចំនួន ០១។

កាលពីពេលវេលាកើតហេតុខាងលើ កម្លាំងសមត្ថកិច្ចនគរបាលផ្នែកប្រឆាំងបទល្មើសគ្រឿងញៀនស្រុក និងប៉ុស្ដិ៍រដ្ឋបាលព្រែកស្ដី បានចុះអនុវត្តន៍ដីកាបង្គាប់ឲ្យចាប់ខ្លួនឈ្មោះ គង់ រដ្ឋា ភេទប្រុស របស់លោក អឿង វណ្ណា ចៅក្រមជំនុំជម្រះ នៃសាលាដំបូងខេត្តកណ្ដាល លេខ៤៥៥ ចុះថ្ងៃទី២៩ ខែមិថុនា ឆ្នាំ២០២០ ។ នៅពេលដែលនគរបាលបានចុះទៅដល់ផ្ទះជនសង្ស័យខាងលើ ហើយបានចាប់ឃាត់ខ្លួនរួចត្រួតពិនិត្យរកឃើញមានលាក់ទុកថ្នាំញៀនម៉ាទឹកកក ចំនួន១០កញ្ចប់តូច នៅក្នុងប្រអប់ស្ករកៅស៊ូDoublemint ក្នុងហោប៉ៅខោជនសង្ស័យ ។ ភ្លាមនោះនគរបាលជំនាញបាននាំខ្លួនជនសង្ស័យ គង់ រដ្ឋា និងវត្ថុតាងថ្នាំញៀនម៉ាទឹកកក មកកាន់អធិការដ្ឋាននគរបាលស្រុកកោះធំ ដើម្បីបន្តនីតិវិធី ។

នៅចំពោះមុខនគរបាល ជនសង្ស័យ គង់ រដ្ឋា បានសារភាពថា រូបគេពិតជាបានធ្វើសកម្មភាពលក់គ្រឿងញៀនខុសច្បាប់ប្រាកដមែន ហើយថ្នាំញៀនចំនួន ១០កញ្ចប់តូចខាងលើនេះគឺពិតជារបស់រូបគេបានទិញយកពីអ្នកលក់ពុំស្គាល់ឈ្មោះ នៅម្ដុំក្បាលថ្នល់ រាជធានីភ្នំពេញ ដើម្បីយកមកលក់បន្ត។