ឃាត់ខ្លួនជនសង្ស័យ០១នាក់ ដកហូតបានគ្រឿងញៀនចំនួន៧កញ្ចប់

ខេត្តតាកែវ ៖ នៅព្រឹកថ្ងៃសៅរ៍១២កើត ខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី០១ ខែសីហា ឆ្នាំ២០២០ កម្លាំងអធិការដ្ឋាននគរបាលក្រុងដូនកែវ សហការជាមួយកម្លាំងនគរបាល នៃអធិការដ្ឋាននគរបាលស្រុកទ្រាំង បានចុះឃាត់ខ្លួនជនសង្ស័យ០១នាក់ឈ្មោះ ង៉ែត មករា ភេទប្រុស អាយុ៣៥ឆ្នាំ ស្នាក់នៅភូមិថ្មី សង្កាត់រកាក្រៅ ក្រុងដូនកែវ ខេត្តតាកែវ មុខរបរមិនពិតប្រាកដ តាមដីកាបង្គាប់ឱ្យចាប់ខ្លួន ឃុំខ្លួនលេខ១៥០/០២០ របស់សាលាដំបូងខេត្តតាកែវ ពីបទជួញដូរ និងប្រើប្រាស់ដោយខុសច្បាប់នូវសាធារញៀន ប្រព្រឹតនៅភូមិចក សង្កាត់រកាក្នុង ក្រុងដូនកែវ ខេត្តតាកែវ កាលពីថ្ងៃទី២៤ ខែឧសភា ឆ្នាំ២០១៩។ ក្រោយពេលចាប់ខ្លួន បានធ្វើការឆែកឆេរនៅក្នុងខ្លួនឃើញមានម្សៅក្រាមពណ៌សថ្លា ចំនួន ០៧កញ្ចប់ និងដកហូតម៉ូតូ០១គ្រឿងផងដែរ។ បច្ចុប្បន្នជនសង្ស័យ និងវត្ថុតាង កម្លាំងជំនាញកំពុងធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី និងបន្តស្រាវជ្រាវស្វែងរកចាប់ខ្លួនបក្ខពួកដែលនៅសេសសល់យកមកផ្តន្ទាទោសតាមច្បាប់។