សេចក្តីជូនដំណឹង របស់ក្រសួងធនធានទឹកនិងឧតុនិយម ស្តីពីស្ថានភាពអាកាសធាតុ ចាប់ពីថ្ងៃទី ២៩ ខែកក្កដា ដល់ថ្ងៃទី០៤ ខែសីហា ឆ្នាំ ២០២០
ភ្នំពេញ ៖ បណ្តាខេត្តនៅតំបន់ចំនួនបីក្នុង ប្រទេសកម្ពុជារួមមាន តំបន់វាលទំនាបកណ្ដាល តំបន់ជួរភ្នំដងរែក និងខ្ពង់រាបឦសាន និងតំបន់មាត់សមុទ្រ នឹងអាចមានភ្លៀងធ្លាក់រាយប៉ាយក្នុងកម្រិតពីមធ្យមទៅច្រើន ក្នុងនោះ ក៏មានផ្នែកមួយចំនួននឹងអាចមានភ្លៀងធ្លាក់ខ្លាំងផងដែរ ខណៈនៅលើផ្ទៃសមុទ្រនឹង អាចមានភ្លៀងធ្លាក់ខ្លាំង និងរលកសមុទ្រខ្ពស់ ។
នេះបេីយោងតាមសេចក្តីប្រកាសជូនដំណឹងពីក្រុមការងារក្រសួងធនក្រសួងធនធានទឹក និងឧតុនិយមនៅថ្ងៃទី ២៩ ខែកក្កដា ឆ្នាំ២០២០នេះ
ដោយបញ្ជាក់មូលហេតុថា តាមរយៈនៃការប្រែប្រួលជាបន្តបន្ទាប់ នៃស្ថានភាពអាកាសធាតុសង្កេតឃើញថា ខ្យល់មូសុងនិរតីបក់ក្នុងកម្រិតបង្គួរមកលើកម្ពុជា ខណៈប្រព័ន្ធសម្ពាធទាបអូសបន្លាយលើប្រទេសថៃ ឡាវ និងវៀតណាម។
