រថយន្ត ០១ គ្រឿងឆ្លងចរន្តភ្លើង ឆេះកណ្តាលផ្លូវ បង្ករឲ្យមានការភ្ញាក់ផ្អើលយ៉ាងខ្លាំង

ខេត្តកពង់ធំ៖ នៅថ្ងៃទី ២៦ ខែកក្កដា ឆ្នាំ ២០២០ វេលាម៉ោង ៨ និង ៣០ នាទី មានករណី អគ្គិភ័យឆេះរថយន្តចំនួន ០១ គ្រឿង ស្ថិតនៅតាមបណ្តោយផ្លូវជាតិ ៦A ចន្លោះគីឡូម៉ែត្រលេខ៧០-៧១ ស្ថិតក្នុងភូមិ ក្រចាប់ សង្កាត់ អាចារ្យលាក់ ក្រុង ស្ទឹងសែន ខេត្តកំពង់ធំ ។

យោងប្រភពព័ត៌មាន ពីកម្លាំងជំនាញការិយាល័យ
បង្ការ ពន្លត់អគ្គិភ័យ និងសង្គោះ បានឲ្យដឹងថា
រថយន្ត ដែលត្រូវអគ្គិភ័យ ឆាបឆេះបង្ករឲ្យមាន
ការភ្ញាក់ផ្អើល ដល់ប្រជាពលរដ្ឋ ប្រភេទរថយន្ត
ម៉ាកកាមរី ពណ៌ ក្រហម សេរីឆ្នាំ ១៩៨៩ ស្លាក
លេខ ភ្នំពេញ 2E-3423 ម្ចាស់ ឈ្មោះ រ៉ាន់ ចំរើន
ភេទ ប្រុស អាយុ ៥៩ ឆ្នាំ មានទីលំនៅភូមិ ក្តីដូង
ឃុំ ក្តីដូង ស្រុក កំពង់ស្វាយ ខេត្តកំពង់ធំ ។

ករណីខាងលើនេះ មិនបណ្តាលឱ្យគ្រោះថ្នាក់ ដល់
អាយុ ជីវិត មនុស្សឡើយ គឺដោយសារបានកម្លាំង
ជំនាញ និងដោយមានការចូលរួមសហការ ពី
បងប្អូនប្រជាពលរដ្ឋ បានប្រើប្រាស់បំពង់ពន្លត់
អគ្គិភ័យ បាញ់ ពន្លត់ទាន់ពេលវេលា ។

ប្រភពព័ត៌មានដដែលបានបញ្ជាក់ បានឲ្យដឹងថា
មូលហេតុ ដែលបង្កឲ្យមានអគ្គិភ័យ កើតមានឡើង
គឺបណ្តាលមកពី ឆ្លងចរន្តភ្លើង ៕