សង្ស័យតៃកុងងងុយដេក ងោកមួយភាំង រេចង្កូតរថយន្តដឹកស្រាបៀរកម្ពុជា ក្រឡាប់ផ្ងារជើង នៅក្រុងស្ទឹងសែន ទាំងព្រឹក

ខេត្តកំពង់ធំ៖ កាលពីវេលាម៉ោង ៥និង៤០នាទីទាបភ្លឺថ្ងៃទី១២ ខែឧសភា ឆ្នាំ២០២០នេះ លើកំណាត់ផ្លូវជាតិលេខ៦A ផ្លូវវាងក្រុងស្ទឹងសែន ភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ មានករណីគ្រោះថ្នាក់ចរាចរណ៍បង្កឡើងដោយខ្លួនឯង បណ្ដាលឲ្យក្រឡាប់រថយន្តដឹកស្រាបៀស្រាបៀរកម្ពុជា ខូចខាតយ៉ាងដំណំ ប៉ុន្ដែមិនមានអ្នករងរបួសក្នុងហេតុការណ៍នេះឡើយ។

រថយន្តក្រឡាប់ម៉ាក ហ៊ីយ៉ាន់ដាយ ក្បាលពណ៌ខៀវ ពាក់ស្លាកលេខ ភ្នំពេញ 3E-3522 របស់ក្រុមហ៊ុនស្រាបៀរកម្ពុជា សណ្តោងសឺមីរ៉ឺម៉ក ស្លាកលេខ ភ្នំពេញ
4A-4889 ផ្ទុកស្រាបៀរកម្ពុជា បើកបរទិសដៅពីត្បូងទៅជើងលុះមកដល់កន្លែងកើតហេតុសង្ស័យតៃកុងងងុយដេក ងោកមួយភាំង ក៏រេចង្កូតរថយន្តដឹកស្រាបៀរកម្ពុជា ក្រឡាប់ផ្ងារជើងតែម្តង។

អ្នកបើកបរខាងលើឈ្មោះ សារ៉ាត់ ពិសិត អាយុ ២២ឆ្នាំ រស់នៅខណ្ឌដង្កោ រាជធានីភ្នំពេញ។

ចំពោះវត្ថុតាងនៅកន្លែងកើតហេតុ ដោយយកចេញមិនទាន់បាន សមត្ថកិច្ចចាត់ចែងនៅកន្លែងកើតហេតុ៕