បុរសម្នាក់ត្រូវឃាត់ខ្លួនបន្ទាប់ពីលួងលោមរតាម (ឆាតហ្វេសប៊ុក) ជាមួយក្មេងស្រីអាយុ១៣ឆ្នាំរហូតឈានដល់ការរួមភេទ បានសម្រេចមួយលើក

ភ្នំពេញ៖ នៅវេលាម៉ោ០១និង៣០នាទីរំលងអធ្រាត្រឈានចូលថ្ងៃទី០៩ ខែឧសភា ឆ្នាំ២០២០ នៅចំណុចមុខផ្ទះជួសជុល noម៉ូតូសុវណ្ណ ផ្លូវលេខ១៩៦២ ភូមិជាងទង សង្កាត់ក្រាំងធ្នង់ ខណ្ឌសែនសុខ។ យុវជនម្នាក់ បានទំនាក់ទំនងសេ្នហាជាមួយយុវតីវ័យក្មេងម្នាក់ តាមបណ្ដាញសង្គម (ឆាតហ្វេសប៊ុក)រហូតឈានដល់ការរួមភេទបានសម្រេចមួយលើក លុះព្រឹកឡើងឪពុកម្តាយដឹងប្តឹងទៅសមត្ថកិច្ចឲ្យចាប់ខ្លួនតែម្តង ។

យុវជនសង្ស័យមានឈ្មោះ កី អុលឡាវី ភេទប្រុស អាយុ២០ ជនជាតិខ្មែរ មុខរបរជាងជួសជុលម៉ូតូ ស្នាក់នៅផ្ទះសង់ថ្មី ផ្លូវលេខ១៩៦២ ភូមិជាងទង សង្កាត់ក្រាំងធ្នង់ ខណ្ឌសែនសុខ (គ្មានសារធាតុញៀន) ។ ចំណែកយុវតីរងគ្រោះជាអនិតិជនឈ្មោះ ណ ផ.ន អាយុ១៣ឆ្នាំ ជនជាតិខ្មែរ ជាសិស្ស ស្នាក់នៅខណ្ឌសែនសុខ ។
តាមការរៀបរាប់របស់ឪពុកម្តាយយុវតីរងគ្រោះ បានឲ្យដឹងថា នៅយប់ថ្ងៃកើតហេតុ ពួកគាត់បានបាត់កូនស្រីពីផ្ទះ ហើយបានដើរករហូតដល់ម៉ោង០៤ទៀបភ្លឺ ស្រាប់តែឃើញកូនស្រីគាត់នឹងជនសង្ស័យកំពុងនៅជាមួយគ្នា រួចក៏ប្តឹងសមត្ថកិច្ចឲ្យឃាត់ខ្លួនតែម្តង។

ជនសង្ស័យ បានប្រាប់សមត្ថកិច្ចថា ខ្លួននិងយុវតីរងគ្រោះមានផ្ទះស្នាក់ជិតគ្នាហើយរូបគេ នឹងនាងធ្លាប់មានទំនាក់ទំនងស្នេហា តាមរយះលេងផ្ញើសារតាមបណ្ដាញសង្គមហ្វេសប៊ុក(ឆាត) ។ ដោយនៅថ្ងៃកើតហេតុ ខ្លួននិងសង្សារ (ជនរងគ្រោះ) បានឆាតណាត់ជួបគ្នានៅចំណុចមុខផ្ទះជួសជុលម៉ូតូ សុវណ្ណ (ទីតាំងឃាត់ខ្លួន) ហើយពួកគេទាំងពីនាក់ បានព្រមព្រៀងគ្នារួមភេទរហូតបានសម្រេចចំនួនមួយលើក ក្រោយមកទៀតពួកគេទាំងពីនាក់ក៏ដេកលេងជាមួយគ្នារហូតដល់ជិតភ្លឺ ស្រាប់តែម្តាយឪពុកនាងរកឃើញក៏ប្តឹងសមត្ថកិច្ចឲ្យឃាត់ខ្លួនរូបគេតែម្តង ។ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕