ខ្លាំងមែន!!ប្រុសស្រីពីរនាក់សង្ស័យស្រវឹងស្រាបើករថយន្តមួយគ្រឿងទៅកៀររថយន្តសង្គ្រោះបន្ទាន់មិនចង់ដោះស្រាយថែមទាំងប្រើពាក្យអាមុឹងដាក់សមត្ថកិច្ចនិងអ្នកសារព័ត៌មានទៀត

ភ្នំពេញ: បុរសម្នាក់រួមដំណើរនិងស្ត្រីម្នាក់ទៀតសង្ស័យស្រវឹងស្រាធ្លាក់ភ្នែកបើករថយន្តហាយលេនឌ័រមួយគ្រឿងរេចង្កូតទៅកៀររថយន្តសង្គ្រោះបន្ទាន់សម្ភពសែនជ័យបើកបរស្របទិសដៅគ្នាបណ្តាលឲ្យឲ្យរងការខូចខាតបន្តិចបន្តួចភាគីបង្កមិនចង់ដោះស្រាយស្រេកឡូឡា បង្កឲ្យមានការភ្ញាក់ផ្អើលដល់សមត្ថកិច្ចចុះទៅអន្តរាគមន៍និងអ្នកសារព័ត៌មានជាច្រើនស្ថាប័នចុះទៅផ្តិតយករូបភាព កាលពីវេលាម៉ោង ៩និង ៣០ នាទីយប់ថ្ងៃទី ១៧ខែមេសាឆ្នាំ ២០២០ ស្ថិតនៅចំណុចជិតស្តុបប្រីត តាមបណ្ដោយផ្លូវណតប្រីត ក្នុងសង្កាត់អូរបែកក្អម ខណ្ឌសែនសុខរាជ ធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តសង្គ្រោះបន្ទាន់សម្ភពសែនជ័យមួយគ្រឿងពណ៌សគ្មានស្លាកលេខបើកបរដោយបុរសម្នាក់រួមដំណើរនឹងរបស់ម្នាក់ទៀតបានធ្វើដំណើរទិសដៅទៅពីជើងទៅត្បូងក្នុងល្បឿនមធ្យមលុះមកដល់ចំណុចកើតហេតុខាងលើស្រាប់តែមានរថយន្តហាយលេនឌ័រមួយគ្រឿងពណ៌ខ្មៅពាក់ស្លាកលេខព្រៃវែង2A-0373បើកបរដោយប្រុសម្នាក់រួមដំណើរនិងស្ត្រីម្នាក់ទៀតរេចង្កូតពេញផ្លូវសង្ស័យស្រវឹងស្រាធ្វើដំណើរមកពីក្រោយបានរេចង្កូតទៅកៀររថយន្ដសង្គ្រោះបន្ទាន់ចំណែកផ្នែកខាងមុខចំហៀងខាងស្ដាំរងការខូចខាតបន្តិចបន្តួចបន្ទាប់មកភាគីបង្កមិនចង់ដោះស្រាយនិងមិនចង់ទទួលខុសត្រូវបានស្រែកឡូឡាដាក់សមត្ថកិច្ចដែលចុះទៅសម្របសម្រួលដូចជាប្រើពាក្យមិនសមរម្យនិងពាក្យអាមឹុងដាក់សមត្ថកិច្ចនិងអ្នកសារព័ត៌មានដែលចុះទៅថតនិងផ្តិតយករូបភាពថែមទៀតធ្វើឲ្យសមត្ថកិច្ចហួសចិត្តគ្រប់ៗគ្នា។បន្ទាប់មកសមត្ថកិច្ចព្យាយាមឲ្យភាគីទាំងសងខាងធ្វើការសម្របសម្រួលគ្នាបន្តទៀតដោយភាគីបង្កបានចេញសំណងចំនួន ៣០ដុល្លារទៅឲ្យភាគីខាងរថយន្តរងគ្រោះដោយភាគីរងគ្រោះមិនចង់រឿងវែងឆ្ងាយបានទទួលសំណងដើម្បីបញ្ចប់រឿងនៅនឹងកន្លែងកើតហេតុរួចភាគីបង្កបាននាំគ្នាឡើងបើករថយន្តបន្តទៅមុខទៀតបាត់ស្រមោល៕