ប្រភពច្បាស់ការប្រាប់ថា ថ្ងៃនេះទីតាំងសង្វៀនបញ្ជល់មាន់ដ៏ធំល្វឹងល្វើយប្រចាំខណ្ឌច្បារអំពៅ និងបើកដំណើរការឡើងវិញ បន្ទាប់បង្ក្រាបបានមួយរយៈដ៏ខ្លី
(ភ្នំពេញ) ៖ បើយោងតាមប្រភពច្បាស់ការមួយ បានប្រាប់ឲ្យដឹងថា បន្ទាប់ពីអាជ្ញាធរចម្រុះនៃខណ្ឌច្បារអំពៅ បានចុះបង្ក្រាបទីតាំងសង្វៀ នបញ្ជល់មាន់ដ៏ធំល្វឹងល្វើយប្រចាំខណ្ឌច្បារអំពៅ បានតែមួយរយៈយ៉ាងខ្លីប៉ុណ្ណោះ នឹងចាប់ផ្ដើមបើកដំណើរការវិញនៅថ្ងៃនេះ ដើម្បីទទួលស្វាគមន៍ អតិថិជនគ្រប់ទិសទី យ៉ាងល្អប្រណីត ក្នុងការប្រព្រឹត្តអំពើស៊ីសងស្ទើរគ្រប់ប្រភេទ។
សូមបញ្ជាក់ថា ទីតាំងខាងលើនោះស្ថិតនៅក្នុងដីឡូត៍គ្មានលេខ ភូមិចំពុះក្អែក១ សង្កាត់ព្រែកថ្មី ខណ្ឌច្បារអំពៅ ។
គួររំលឹកថា កាលពីថ្ងៃទី០៥ ខែមេសា ឆ្នាំ២០ ២០ អាជ្ញាធរខណ្ឌច្បារអំពៅ បង្ក្រាបទីតាំងសង្វៀនបញ្ជល់មាន់ដុះស្លែមួយកន្លែង ក្នុង
ប្រតិបត្តិការនោះអាជ្ញាធរបានចាប់រថយន្ត ៥គ្រឿង, ម៉ូតូ ១៨គ្រឿង, មាន់ជល់៣ក្បាល (រស់), កៅអីជ័រ១០០ និងស៊ុមសម្រាប់ក្រុងមាន់ ៥៦ យកទៅដាក់ទោស។
ចំណែកមនុស្ស ជាអ្នកលេងល្បែង និង ម្ចាស់ទីតាំងបានចាកចេញពីបនល្បែងបញ្ជល់មាន់នោះ មុនសមត្ថកិច្ចទៅដល់ ដូចជាពួកគេមានកូនក្រកប្រាប់ពីដំណឹងជាស្រេច ទើបអាជ្ញាធរមិនអាចចាប់បានសូម្បីតែម្នាក់ និងរកមុខម្ចាស់ទីតាំងមិន ឃើញ ។
ពលរដ្ឋបានលើកឡើងថា ល្បែងស៊ីសងនេះហើយដែលជាដើមចមនៃការ កើតមានអំពើ លួច , ឆក់ , ប្លន់ ។ ពលរដ្ឋបានលើកឡើងបន្ថែមទៀតថា ឯណាទៅគោលនយោបាយ ភូមិ ឃុំ មាន សុវត្ថិភាព ទាំង ៩ចំណុច ដែលរដ្ឋាភិបាលដាក់អោយអនុវត្តន៍នោះ ឬ មួយ ក៏ មានតែនៅលើស្លាកទេ ?
ពលរដ្ឋសង្ឃឹមថា អាជ្ញាធរមូលដ្ឋាននឹងមិនបណ្តែតបណ្តោយឲ្យទីតាំងល្បែងស៊ីសង ហ្គេមបាញ់ត្រីបែបនេះ បង្កភាពអសន្តិសុខ ដល់ប្រជាពលរដ្ឋក្នុងរាជធានី ភ្នំពេញបន្តទៀតនោះទេ ពីព្រោះកាលណាកើតល្បែង ស៊ីសងនេះហើយគឺជា មូលហេតុនៃអំពើចោរកម្ម ។
មហាជនមានចម្ងល់ថា ហេតុអ្វីបានជាទីតាំងសង្វៀនបញ្ជល់មាន់ដ៏ធំល្វឹងល្វើយបិតបានតែមួយរយៈយ៉ាងខ្លីបែបនេះ?
