ទំនងទ្រាំលែងបាន ចាំអាជ្ញាធរបង្ក្រាបយូរពេក អ្នកភូម១០០នាក់ជាង លើកគ្នាវាយកម្ទេចផ្ទះហ្គេមបាញ់ត្រីខ្ទេច នៅខណ្ឌឬស្សីកែវ
ទីតាំងហ្គេមបាញ់ត្រីដែលជាកន្លែងលួចលាក់ជួញដូរនិងប្រើប្រាស់ គ្រឿ ង ញៀ ន យ៉ាងដុះស្លែ២កន្លែង ត្រូវបានអ្នកភូមិ ផ្ទុះហិ ង្សា នាំគ្នាវាយកម្ទេចចោល ដោយសារតែទីតាំងនោះបង្កើតឱ្យមានល្បែងស៊ីសង ធ្វើឱ្យកើតអំពើចោរកម្មលួចឆក់ ប្លន់នៅក្នុងភូមិ ហើយបែរជាអាជ្ញាធរ និងសមត្ថកិច្ចខណ្ឌឫស្សីកែវមិនបង្ក្រាប នៅចំណុចផ្ទះបើកហ្គេមបាញ់ត្រី ក្នុងភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ ហើយនៅព្រឹកថ្ងៃទី១៥ មីនា អ្នកភូមិប្រមាណជាង១០០នាក់ក៏បានបន្តនាំគ្នាផ្តិចមេដៃប្តឹងផងដែរ ។
