រថយន្តស្រាបៀរ GANZBERG បុកម៉ូតូសេ១២៥ បណ្តាលឲ្យមនុស្សម្នាក់ស្លាប់ និងម្នាក់ទៀតរងរបួសស្រាល
ព្រះវិហារ៖ រថយន្តស្រាបៀរ GANZBERG បុកម៉ូតូសេ១២៥ បណ្តាលឲ្យមនុស្សម្នាក់ស្លាប់ និងម្នាក់ទៀតរងរបួសស្រាល។ ឧបទ្ទវហេតុខាងលើបានកើតឡើងនៅថ្ងៃទី១៣ ខែមីនា ឆ្នាំ២០២០ វេលាម៉ោង១០នឹង១០នាទី នៅចំនុចផ្លូវភ្លោះកែងមន្ទីរសង្គមកិច្ច ស្ថិតនៅក្នុងភូមិកណ្តាល សង្កាត់កំពង់ប្រណាក។
មន្ត្រីនគរបាលខេត្តបានឲ្យដឹងថាអ្នកបើកបរម៉ូតូឈ្មោះ ឈី បូឡា ភេទប្រុស អាយុ២១ឆ្នាំ មុខរបរ ជាងម៉ូតូ ស្នាក់នៅភូមិឡឥដ្ឋ សង្កាត់កំពង់ប្រណាក ក្រុងព្រះវិហារខេត្តព្រះវិហារ (របួសស្រាល)។ អ្នករួមដំណើរឈ្មោះ ពេជ សុខា ភេទប្រុស អាយុ៤៨ឆ្នាំ មុខរបរយោធា រស់នៅភូមិ មរតកតេជោ ឃុំកន្ទួត ស្រុកជាំក្សាន្ត ខេត្តព្រះវិហារ(ស្លាប់)។ អ្នកបើកបររថយន្ត(រត់គេចខ្លួន) អ្នករួមដំណើរ ឈ្មោះគួយ ចន្តា ភេទប្រុស អាយុ៣៣ឆ្នាំ ស្នាក់នៅភូមិដំណាក់ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ (ពុំមានរងរបួស)។
បច្ចុប្បន្នរថយន្តនិងម៉ូតូត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលក្រុងព្រះវិហារ សពបានតំកល់ទុកនៅក្នុងមន្ទីរពេទ្យបង្អែក១៦មករា ៕
