ម៉ូតូនិងម៉ូតូកង់បីបើកបុកគ្នារបួសធ្ងន់២នាក់នៅស្រុកកៀនស្វាយ

កណ្តាល ៖ មានករណីគ្រោះថ្នាក់ចរាចរណ៍ផ្លូវគោកម៉ូតូនិងម៉ូតូកង់បី(paasapp)របួសធ្ងន់០២នាក់ខូចខាតម៉ូតូធ្ងន់ ១គ្រឿង និង paasapp ខូចខាតកើតឡើងនៅថ្ងៃអាទិត្យទី១ខែ ធ្នូ ឆ្នាំ២០១៩វេលាម៉ោង ៧និង១០នាទី នៅលើចំណុចផ្លូវលេខ១១៦A ចំណុចភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាល ។

ប៉ូលិសនិយាយថា ដំបូងមានម៉ូតូមួយគ្រឿងម៉ាកHONDA Dream C125 ពណ៌ខ្មៅ ពាក់ស្លាកលេខកណ្តាល 1AD.6867 បើកបរដោយឈ្មោះ ប៉ិច ប៊ុនសាន់ ភេទប្រុស អាយុ១៨ឆ្នាំ ជនជាតិខ្មែរ មានទីលំនៅ ភូមិឈើទាល២ ឃុំឈើទាល ស្រុកកៀនស្វាយ ខេត្តកណ្តាល មុខរបរកសិករ (របួសធ្ងន់) រួមដំណើរជាមួយគ្នាចំនួន០២នាក់ ទីមួយឈ្មោះ យ៉ុម ថាយ ភេទប្រុស អាយុ ១៥ ឆ្នាំ ជនជាតិខ្មែរ មានទីលំនៅ ភូមិស្រែអំពិល ឃុំឈើទាល ស្រុកកៀនស្វាយ ខេត្តកណ្តាល មុខរបរ កសិករ (របួសធ្ងន់)និង ទីពីរ ឈ្មោះ ធូ ពេញលិញ ភេទប្រុស អាយុ ២២ឆ្នាំ ជនជាតិខ្មែរ មានទីលំនៅ ភូមិ កំពង់ស្វាយ ២ ឃុំកំពង់ស្វាយ ស្រុកកៀនស្វាយ ខេត្ត កណ្តាល មុខរបរកសិករ (របួសស្រាល)។

ម៉ូតូខាងលើនេះបើកបរទិសដៅពីកើតមកលិច ពេលមកដល់ចំណុចកើតហេតុខាងលើបានបុកជាមួយ passapp បត់ឆ្លងកាត់ផ្លូវ បើកបរដោយឈ្មោះ យ៉ន ផល្លី ភេទប្រុស អាយុ ៤៩ ឆ្នាំ ជនជាតិ ខ្មែរ មានទីលំនៅ ភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាល មុខរបរ រត់passapp (រត់គេចពីកន្លែងកើតហេតុ)ដែលបើកមានទិសដៅស្របគ្នាហើយកំពុងតែបត់ឆ្លងកាត់ថ្នល់មកខាងឆ្វេងដៃ បណ្តាលឱ្យរបួសធ្ងន់០២នាក់ របួសស្រាល០១នាក់ បញ្ជូនទៅព្យាបាលនៅមន្ទីរពេទ្យ។

ប៉ូលិសបញ្ជាក់ថា អ្នកបើកបរ passapp ធ្វេសប្រហែស ខ្ជីខ្ជា មិនប្រុងប្រយ័ត្នមិនបានពិនិត្យគ្រប់ជ្រុងជ្រោយមុនពេលបើកបត់ឆ្លងផ្លូវមកខាងឆ្វេង។ចំណែកអ្នកម៉ូតូម៉ាក HONDA DREAM C125 បើកបរល្បឿនលឿន មិនប្រុងប្រយ័ត្ន មិនបានពិនិត្យស្ថានភាពផ្លូវខាងមុខមានឧបសគ្គ។ ភស្តុតាងរក្សាទុកនៅអធិការដ្ឋានស្រុកកៀនស្វាយ ដើម្បីបន្តនីតិវិធី៕ KH