គ្រាន់តែមើលមុខសោះក៏យកកាំបិតប៉័ងតោដេញកាប់រត់ពេញផ្លូវ

រាជធានី​ភ្នំពេញ​ ៖ នៅមុខផ្ទះគ្មានលេខ ភូមិតាងៅ សង្កាត់ និរោធ ខណ្ឌច្បារអំពៅ កាលពីថ្ងៃទី២៧ ខែវិច្ឆិកា ឆ្នាំ២០១៩ វេលាម៉ោង ០៩និង៣០នាទី។

មុនពេលកើតហេតុកុមារី រងគ្រោះដើរទៅផ្ទះ ពេលមកដល់ចំណុចកើតហេតុ ក៏បានជួបជនសង្ស័យឈ្មោះ ជុំ ដារ៉ា ភេទប្រុស អាយុ ៣៤ឆ្នាំ ជនជាតិខ្មែរ មុខរបរ ជាងជួសជុលម៉ាស៊ីន ស្នាក់នៅភូមិតាងៅ សង្កាត់និរោធ ខណ្ឌច្បារអំពៅ ជាមនុស្សញៀនគ្រឿងញៀនខ្លាំង កំពុងនៅទីនោះ រួចកុមារីរងគ្រោះឈ្មោះ មោង ម៉ាលីយ៉ា អាយុ ៩ឆ្នាំ ជនជាតិខ្មែរ មុខរបរសិស្ស ស្នាក់នៅ ភូមិតាងៅ សង្កាត់និរោធ ខណ្ឌច្បារអំពៅ ក៏ងាកមើលមុខជនសង្ស័យ ពេលនោះជនសង្ស័យខឹង ក៏ចូលក្នុងផ្ទះ យកកាំបិតប៉័ងតោដេញកាប់កុមារីរងគ្រោះ រួចកុមារី រងគ្រោះមានការភិតភ័យជាខ្លាំង ក៏រត់ស្រែកយំអោយគេជួយ ក៏មានអ្នកជិតខាង រួមនិងសមត្ថកិច្ចយើងឃាត់ខ្លួនជនសង្ស័យ រួមនិងវត្ថុតាង បញ្ជូនមកអធិការដ្ឋានខណ្ឌច្បារអំពៅ ចាត់ការតាមច្បាប់ ៕