រថយន្តLEXUS 570 ពាកផ្លាកលេខ រដ្ឋ០៦ 2-4699 បុកម៉ូតូសណ្ដោងរ៉ឺម៉កដឹកគោ បណ្ដាលឲ្យស្លាប់មនុស្សម្នាក់ភ្លាមៗនូវហ្នឹងកន្លែងកើតហេតុ
ខេត្តប៉ៃលិន៖ កាលពីវេលាម៉ោង១២ និង៤០នាទី ថ្ងៃច័ន្ទ ១៤រោច ខែកក្តិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៥ ខែវិច្ឆិកា ឆ្នាំ២០១៩ មានករណីគ្រោះថ្នាក់ចរាចរណ៍មួយកើតឡើងរវាងរថយន្ត និងម៉ូតូសណ្តោងរ៉ឺម៉កដឹកគោ ស្ថិតនៅចំណុចផ្លូវបំបែកចូលអូខ្យងក្នុងភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន បណ្តាលអោយមនុស្សស្លាប់មួយនាក់ ខូចខាតរថយន្តមួយគ្រឿង និងម៉ូតូសណ្ដោងរ៉ឺម៉កមួយគ្រឿង ។
ជនរងគ្រោះឈ្មោះ សឺក គឿន ភេទប្រុស អាយុ៦៥ ឆ្នាំ រស់នៅភូមិតាគ្រក់ ឃុំត្រែង ស្រុករតនៈមណ្ឌល ខេត្តបាត់តំបង បើកបរម៉ូតូម៉ាក WAVE ពណ៌ទឹកប៉ិច សណ្ដោងរ៉ឺម៉ក គ្មានផ្លាក់លេខ ស្លាប់នៅកន្លែងកើតហេតុ។
រថយន្តបង្កម៉ាក LEXUS 570 ពណ៌ក្រហម ពាកផ្លាកលេខ រដ្ឋ០៦ 2-4699 ខូចខាតស្រាល ។ ក្រោយពេលកើតហេតុអ្នកបើកបររថយន្តបានធ្វើការរត់គេចខ្លួនបាត់ស្រមោលបន្សល់ទុករថយន្តនូវនឹងកន្លែងកើតហេតុ
មូលហេតុបណ្តាលមកពីកត្តាមនុស្សបើកបរខ្វះការប្រុងប្រយ័ត្នមិនមើលឧបសគ្គពីខាងមុខ ។
បច្ចុប្បន្នសពជនរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ចំណែករថយន្ដ និងរ៉ឺម៉កត្រូវបានកម្លាំងជំនាញចរាចរណ៍ផ្លូវគោកយកមករក្សាទុកនូវស្នងការដ្ឋាននគរបាលខេត្ដប៉ៃលិន ដើម្បីរងចាំធ្វើការដោះស្រាយ។
