រថយន្តកុងតឺន័រ បានបុកជាមួយនិងម៉ូតូហុងដា បណ្ដាលអោយស្លាប់១នាក់ របួសធ្ងន់២នាក់
ខេត្តកំពង់ឆ្នាំង៖ នៅយប់ថ្ងៃទី១១ ខែវិច្ឆិកា ឆ្នាំ២០១៩ វេលាម៉ោង ២៣ និង៤៥នាទី នៅលើដងផ្លូវជាតិលេខ៥ ចន្លោះបង្គោលគីឡូម៉ែត្រលេខ ៨៨-៨៩ ស្ថិតក្នុងភូមិស្រៃព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំងកើតមានករណីគ្រោះថ្នាក់ចរាចរណ៍រវាងរថយន្តសណ្ដោង (កុងតឺន័រ) បើកបរពីទិសខាងជើងទៅទិសខាងត្បូង និងម៉ូតូ ម៉ាកហុងដា C125 ជិះឌុបគ្នា ៣នាក់ បើកបរពីត្បូងទៅជើង ។ ករណីនេះបានបណ្ដាលអោយស្លាប់អ្នកបើក ម៉ូតូ ១នាក់ ឈ្មោះ ប៉ិត សាវិត ភេទប្រុស អាយុ ២៣ឆ្នាំ មានទីលំនៅភូមិក្រាំងស្គា ឃុំក្រាំងស្គា ស្រុកទឹកផុស ខេត្តកំពង់ឆ្នាំង។ របួសអ្នកជិះពីក្រោយ ២នាក់ ប្រុស របួស(ធ្ងន់) ។ ខូចម៉ូតូ ១គ្រឿង (ធ្ងន់) និងរថយន្ត ១គ្រឿង ខូចស្រាល។
ក្រោយពេលកើតហេតុអ្នកបើកបររថយន្តបានរត់គេចខ្លួន រីឯរថយន្តត្រូវបានឃាត់ទុកនិងបញ្ជូនទៅកាន់ការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តកំពង់ឆ្នាំងតាមនីតិវិធី ៕
