ឃាត់ខ្លួនជនសង្ស័យម្នាក់ ដែលជាមុខសញ្ញាឆក់យ៉ាងសកម្ម

ខេត្តកំពត ៖ ថ្ងៃពុធ ០៤កើត ខែអស្សុជ ឆ្នាំកុរ ព.ស ២៥៦៣ ត្រូវនឹងថ្ងៃទី ០២ ខែតុលា ឆ្នាំ ២០១៩ វេលាម៉ោង ១០:៣០ នាទី កម្លាំងជំនាញខេត្ត សហការជាមួយកម្លាំងអធិការស្រុកជុំគីរី បានធ្វើការស្រាវជ្រាវរហូតឃាត់ខ្លួនជនសង្ស័យបានចំនួន ០១ នាក់ ឈ្មោះ អ៊ុក រ៉ាដូ ភេទប្រុស អាយុ ២៥ ឆ្នាំ ស្ថិតនៅភូមិត្រពាំងឈើទាល ឃុំច្រេស ស្រុកជុំគីរី ។ ពាក់ពន្ធ័ករណីឆក់ជនបរទេសនៅភូមិតាដឹប សង្កាត់អណ្តូងខ្មែរ ក្រុងកំពត កាលពីថ្ងៃទី ០១ ខែតុលា ឆ្នាំ ២០១៩ ។ មុខសញ្ញានេះជាមុខសញ្ញាឆក់យ៉ាងសកម្មដែលធ្វើសកម្មភាពឆក់ក្នុងភូមិសាស្ត្រក្រុងកំពតកន្លងមក និងធ្លាក់ជាប់ពន្ធនាគារទើបតែចេញ ៕