ទឹកចិត្តដ៏ល្អប្រពៃរបស់ ឧត្តមសេនីយ៍ទោ នឹម ច័ន្ទតាណា ចំពោះពុកម៉ែ ក្មួយៗក្រីក្រ ដោយក្តីស្រឡាញ់ចំពោះប្រជាពលរដ្ឋ ឧត្តមសេនីយ៍ទោ នឹម ច័ន្ទតាណា និង លោកជំទាវ បានចែកអំណោយបន្តិចបន្តួច

ភ្នំពេញ៖ កាលពីថ្ងៃ១៧ ខែកញ្ញា ឆ្នាំ២០១៩ ឧត្តមសេនីយ៍ទោ នឹម ច័ន្ទតាណា និង លោកជំតាវ ប៉ុល មុន្នីរ័ត្ន បានសំណេះសំណាលជាមួយប្រជាពលរដ្ឋក្រីក្រចំនួន ៧គ្រួសារ និង ក្មេងកុមារទីទាល់ក្រចំនួន៣០នាក់ ព្រមទាំងបានឧបត្ថម្ភថវិការជូនអ្នកម្តាយនិងអ៊ុំពូមីងសំរាប់ទុកធ្វើបុណ្យទានក្នុងរដូវបុណ្យភ្ជុំបណ្ឌិនេះផងដែរ។ កម្មវិធីសំណេះសំណាល់ នឹងចែកអំណោយដល់ប្រជាពលរដ្ឋក្រីក្រនេះប្រព្រឹត្តទៅនៅគេហដ្ឋានរបស់ ឧត្តមសេនីយ៍ទោនឹម ច័ន្ទតាណា និងលោកជំទាវ នៅឃុំដីឥដ្ឋ ភូមិស្តៅកន្លែង ខេត្តកណ្តាល នេះជាទឹកចិត្តដែលឯកឧត្តមមិនដែលមើលរំលង ពីភាពខ្វះខាតរបស់ប្រជាពល្ឋនោះឡើយ។ សម្រាប់ថ្ងៃភ្ជុំបិណ្ទនេះ ឧត្តមសេនីយ៍ នឹម ច័ន្ទតាណា ក៏សូមឱ្យពុកម៉ែ ក្មួយៗ មេត្តាថែរក្សាសុខភាព ពិសេសជំងឺគ្រុនឈាម ត្រូវគេងដាក់មុង ព្រោះបណ្តាប្រទេសជាច្រើនកំពុងតែជួបនៅបញ្ហាជំងឺមួយនេះ ហើយឧត្តមសេនីយ៍មិនភ្លេចនៅពុកម៉ែបងប្អូននោះឡើយ៕
អត្ថបទ៖ ឡុង រតនា