យុវជនម្នាក់ជិះម៉ូតូលឿនបុករថយន្តកុងតឺន័រពីក្រោយស្លាប់មួយរំពេច

ភ្នំពេញ៖ យុវជនម្នាក់បានបោកក្បាលស្លាប់ភ្លាមៗនៅនិងកន្លែងកើតហេតុយ៉ាងអាណោចអាធម៌ខណះជិះម៉ូតូមួយគ្រឿងក្នុងល្បឿនលឿនជ្រុលទៅបុករថយន្តកុងតឺន័រពីក្រោយពេញទំហឹង ។ ហេតុការណ៍នេះកើតឡើងកាលពីវេលាមោង១១និង៤០នាទីយប់ថ្ងៃទី២៩ខែសីហាឆ្នាំ២០១៩ស្ថិតនៅចំណុចមុខក្លឹប សេះមាស តាមបណ្តោយផ្លូវវ៉េងស្រេង ក្នុងសង្កាត់ស្ទឹងមានជ័យទី៣ ខណ្ឌមានជ័យ។

សពជនរងគ្រោះ(ស្លាប់)មានឈ្មោះសេង មិថុនា ភេទប្រុស អាយុ២១ឆ្នាំ មុខរបរជាងទង(ជាងមាស) នៅអូឬស្សី ស្នាក់កន្លែងធ្វើការ​​ មានស្រុកកំណើត នៅភូមិតាប៉ាវ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញជនរងគ្រោះជិះម៉ូតូមួយគ្រឿងម៉ាកឌ្រីមសង់ស៊េរី០១៧ពពណ៌ខ្មៅពាក់ស្លាកលេខត្បូងឃ្មុំ1E-6887ធ្វើដំណើរក្នុងល្បឿនលឿនទិសដៅពីលិចទៅកើតខណះមកដល់ចំណុចកើតហេតុខាងលើបានជ្រុលទៅបុករថយន្តកុងតឺន័រមួយគ្រឿងមិនចាំស្លាកលេខបើកនៅខាងមុខពីក្រោយពេញទំហឹងបណ្តោយបោកក្បាលស្លាប់ភ្លាមៗនៅនិងកន្លែងកើតហេតុតែម្តង។ចំណែករថយន្តបានបន្តដំណើរទៅមុខទៀតបាត់ស្រមោល។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើកាវាស់វែងយកម៉ូតូទៅរក្សាទុកបណ្តោះអាសន្នរងចាំប្រគជូនសាច់ញាតិវិញ។ដោយឡែកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាតិយកទៅស្រុកកំណើតធ្វើបុណ្យតាមប្រពៃណី៕ អត្ថបទ &រូបភាព ៖ មីដា