ខ្លោចផ្សារណាស់! យុវតីម្នាក់ដែលត្រូវប្រឡងបាក់ឌុបស្អែកនេះ ស្រាប់តែត្រូវរថយន្តដឹកឥដ្ឋបុកស្លាប់ភ្លាមៗនៅនឹងកន្លែង ខណៈជិះទៅមើលឈ្មោះនៅមណ្ឌល

រថយន្តដឹកឥដ្ឋបុកម៉ូតូពីក្រោយបណ្តាលឲ្យសិស្សស្រីម្នាក់ស្លាប់ភ្លាមៗ ខណៈមកមើលឈ្មោះប្រឡងបាក់ឌុបនៅថ្ងៃស្អែក បើតាមព័ត៌មានបឋម ហេតុការណ៍នេះបានកើតឡើងនាវេលាម៉ោងជាង១២ ថ្ងៃត្រង់ ថ្ងៃទី១៨ខែសីហា ឆ្នាំ២០១៩នេះនៅមហាវិថីឈ្នះឈ្នះកែងផ្លូវជាតិលេខ៦​A សង្កាត់បាក់ខែង ខណ្ឌជ្រោយចង្វារ៕
យុវតីខាងលើឈ្មោះ អ៊ុយ លីលី អាយុ១៨ឆ្នាំ ប្រភពពីកន្លែងកើតហេតុបាននិយាយថាមុនពេលកើតហេតុ ឪពុករបស់យុវតីខាងលើបានឌុបកូន ពីឃុំរកាកោង ស្រុកមុខកំពូល ខេត្តកណ្តាល មកមើលឈ្មោះប្រឡង នៅមណ្ឌលប្រឡងមួយក្នុងក្រុងតាខ្មៅ ហើយក៏ត្រូវរថយន្តដឹកឥដ្ឋ បុកពីក្រោយបណ្តាលឲ្យស្លាប់ រីឯឪពុករបស់នាង គ្រាន់តែរបួសប៉ុណ្ណោះ។