នេះជាវីដេអូហាយឡាយ ដែលកម្ពុជាអាយុក្រោម១៨ឆ្នាំ យកឈ្នះវៀតណាមអាយុក្រោម ១៨ឆ្នាំ ក្នុងលទ្ធផល ២ ទល់និង ១ (មានវីដេអូ)

អ្នកគាំទ្រវិស័យកីឡាបាល់ទាត់ជាច្រើន ពិតជាបានជ្រាបរួចមកហើយមើលទៅ នូវលទ្ធផលដ៏ល្អមួយ ដែលក្រុមជម្រេីសជាតិកម្ពុជាអាយុក្រោម១៨ឆ្នាំ យកឈ្នះក្រុមជម្រេីសជាតិវៀតណាមអាយុក្រោម ១៨ឆ្នាំ ក្នុងលទ្ធផល ២ ទល់និង ១ ក្នុងការប្រកួត AFF U18 Next Media Cup 2019 នៅកីឡដ្ឋាន Thong That។

ក្នុងនោះ សៀង ចន្ធា បានស៊ុតបញ្ចូលទីគ្រាប់ទី១ ឲ្យកម្ពុជានៅនាទី៥០ ហើយ ធី លៀង បានស៊ុតបញ្ចូលទី១គ្រាប់ទៀត ដែលគ្រាប់ទី២ឲ្យកម្ពុជានៅនាទី ៩៥។

ក្រោយពីបានទស្សនាចប់ការប្រកួតនេះ ធ្វើឲ្យអ្នកគាំទ្រកម្ពុជាជាច្រើនសម្តែងអារម្មណ៍ពេញចិត្តជាខ្លាំង ចំពោះក្រុមជម្រេីសជាតិកម្ពុជាអាយុក្រោម១៨ឆ្នាំទាំងអស់ ដែលបានសហការគ្នា ធ្វើបានល្អខ្លាំងណាស់ ក្នុងការប្រកួតដ៏ស្វិតស្វាញមួយនេះ។ ដើម្បីជ្រាប កាន់តែច្បាស់បន្ថែមទៀត សូមទស្សនាវីដេអូហាយឡាយខាងក្រោមនេះ៕