ពេជ្រ សោភា Live វីដេអូ និយាយទាំងអួលដើម ក ព្រោះអាណិតបងប្រុសម្នាក់នេះខ្លោចចិត្ត, នៅពេលនេះគាត់មិនទាន់ដឹងខ្លួនទេ ព្រោះស្ថានភាពធ្ងន់ធ្ងរខ្លាំងណាស់ កំពុងព្យាបាលនៅប្រទេសថៃ (មានវីដេអូ)

មានករណីផ្ទុះហ្គាសឆេះហាងបញ្ចូលហ្គាសរថយន្តមួយកន្លែង នៅតាមផ្លូវលោកតាណឺយ ក្នុងភូមិបន្ទាយចាស់ សង្កាត់ស្លក្រាម ក្នុងក្រុងសៀមរាប កាលពីវេលាម៉ោង១ និង១៥នាទី រសៀល ថ្ងៃទី១៤ ខែសីហា ឆ្នាំ២០១៩ ដែលបណ្តាលឲ្យមានអ្នករងរបួសចំនួន១៣នាក់ ស្រីចំនួន០៣នាក់ ក្នុងនោះរបួសធ្ងន់ចំនួន០៦ នាក់ ហើយក្នុងចំណោមអ្នករងរបួសចំនួន១៣នាក់នេះ មានជនជាតិបរទេស ចំនួន០២នាក់ ។

ក្នុងនោះគេប្រទះឃើញបុរសម្នាក់ ដែលជាជនរងគ្រោះក្នុងហេតុការណ៍នេះ គាត់ខំដើរចេញពីភ្លើង ហើយខ្លួនរបស់គាត់រលាកពេញខ្លួន ដើរសុំអង្វរគេឲ្យជួយជូនគាត់ទៅពេទ្យ តែគ្មាននរណាម្នាក់ជួយគាត់ឡើយ។

ក្រោយពីបានមើលវីដេអូនេះដល់ចប់ បានធ្វើឲ្យតារាចម្រៀងល្បីឈ្មោះម្នាក់ គឺ ពេជ្រ សោភា បានចេញមកធ្វើការ Live វីដេអូនិយាយទំាងអួលដើមក ព្រោះអាណិតបងប្រុសម្នាក់នេះខ្លោចចិត្ត។

ពេជ្រ សោភា ក៏បានជួបជាមួយកូនរបស់បងប្រុសម្នាក់នេះហើយ តាមរយៈហ្វេសប៊ុក ហើយកូនប្រុសរូបនេះបានបញ្ជាក់ថា ស្ថានភាពឪពុករបស់គាត់ធ្ងន់ធ្ងរណាស់ ពេលនេះកំពុងសម្រាកនៅពេទ្យប្រទេសថៃ  ព្រោះឪពុករបស់គាត់មិនទាន់ដឹងខ្លួនទេ។ ដើម្បីជ្រាប កាន់តែច្បាស់បន្ថែមទៀត សូមទស្សនាវីដេអូខាងក្រោមនេះ៕