ព្រះអើយ នេះអ្នកជួយសង្គ្រោះម្នាក់ទៀតហើយ ខ្លោចចិត្តណាស់ដើរចេញមករកឲ្យគេជូនទៅពេទ្យ អត់មានអ្នកអើពើសោះ គេរវល់តែថត

តាមរយៈគណនេយ្យហ្វេសបុក Dara Nita បានឲ្យដឹងបែបនេះថា ៖ “មើលវីដេអូនេះហើយ សែនខ្លោចចិត្តពូរដែលរងគ្រោះដោយសារហេតុការណ៍ផ្ទុះធុងហ្គាស់ សំឡេងសុំអោយអ្នកថតវីដេអូជូនគាត់ទៅពេទ្យបន្តិចមក ហើយដើរសុំគេអោយជូនទៅពេទ្យគ្រប់គ្នា 😭 តែគ្មានអ្នករវល់មើលទៅម្នាក់ៗដូចខ្លាចគាត់ណាស់ចឹង… តែអ្នករវល់ថតហេតុការភ្លើងឆេះនិង ថារវល់ជូនកូនទៅរៀន 😡 ហេតុអីអត់ចិត្តម្លេះប្រាប់គាត់អោយដើរទៅរកពេទ្យខ្លួនឯងទៀត… លោកអើយ អាសូរគាត់ឡើងហូរទឹកភ្នែកមិនដឹងខ្លួន 😭 ” បើតាមវីដេអូឃើញថាបុរសម្នាក់នេះដើរចេញពីកន្លែងកើតហេតុកន្លែងផ្ទុះហ្គាស់នោះ ដោយមានរបួសរោលរាលពេញខ្លួន ស្បែករលេះរលួយពីគ្នា ដែលមើលទៅពិតជាគួរឲ្យខ្លោចចិត្តណាស់ អ្វីដែលកាន់តែអាណិតបន្ថែមទៀតនោះ ពេលពឹងអ្នកជិតនោះឲ្យជូនទៅពេទ្យ ហាក់បីដូចជាគ្មានអ្នកចាប់អារម្មណ៍សោះតែម្តង ដោយម្នាក់ៗហាក់រវល់នឹងថត និងមើលទិដ្ឋភាពកន្លែងអគ្គិភ័យនោះ។

គួររំលឹកផងដែរថា ម្សិលមិញនេះ កាលពីវេលាម៉ោងប្រមាណ ១រសៀលថ្ងៃទី១៤ ខែសីហា ឆ្នាំ២០១៩ នេះ មានគ្រោះអគ្គីភ័យបណ្តាលមកពីផ្ទុះធុងហ្គាសនៅហាងបញ្ចូលហ្គាសមួយកន្លែង តាមបណ្តោយផ្លូវលោកតាណឺយ ស្ថិតក្នុងភូមិវត្តបូព៌ សង្កាត់សាលាកំរើក ក្រុងសៀមរាប ខេត្តសៀមរាប។តាមព័ត៌មានចុងក្រោយពុំមានមនុស្សស្លាប់ទេ ក្នុងករណីផ្ទុះហ្គាសឆេះហាងបញ្ចូលហ្គាសរថយន្តមួយកន្លែងនេះ ដោយមានតែអ្នករងរបួសចំនួន១៣នាក់ ស្រីចំនួន០៣នាក់ ក្នុងនោះរបួសធ្ងន់ចំនួន០៦ នាក់ ហើយក្នុងចំណោមអ្នករងរបួសចំនួន១៣នាក់នេះ មានជនជាតិបរទេស ចំនួន០២នាក់ ។
សូមទស្សនាវីដេអូខាងក្រោម៖