អ្នកយកព័ត៌មានTD News ត្រូវចោរលួចកាច់សោ.កម៉ូតូយកទៅបាត់ ខណៈពេលចុះយកព័ត៌មាន ជិតវិទ្យាល័យជា ស៊ីម សាមគ្គី
ភ្នំពេញ៖ អ្នកយកព័ត៌មានរបស់អង្គភាពTD News ព័ត៌មានបច្ចុប្បន្នភាពត្រូវបានចោរលួច កាច់សោរ.ក ម៉ូតូយកទៅបាត់ ខណៈពេលចុះទៅ យកព័ត៌មានករណីហិង្សា។ ហេតុការណ៍កើតឡើងនៅវេលាម៉ោង០២នឹង៣០នាទីរំលងអាធ្រាត្រឈានចូលថ្ងៃទី២៧ ខែកក្កដា ឆ្នាំ២០១៩ នៅចំណុចក្បែរវិទ្យាល័យ ជា ស៊ីម សាមគ្គី ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។
បើយោងតាមសម្ដីរៀបរាប់របស់លោក អោម សុភ័ណ្ឌ ជាអ្នកយកព័ត៌មាន របស់អង្គភាព ព័ត៌មានបច្ចុប្បន្នភាពTD News បានឲ្យដឹងថាម៉ូតូរបស់គាត់ដែលចោរ លួចយកទៅបាត់នោះ ម៉ាកស្មាក់វី ពណ៌ក្រហមលាយខ្មៅ ពាក់ស្លាកលខភ្នំពេញ1AJ-1053 ខណៈរូបលោក ជិះទៅយកព័ត៌មាន ករណីហិង្សាពេលទៅដល់ក្រុមភាគីដែលប្រើហិង្សាបាននាំគ្នាគេចខ្លួនបាត់អស់ ហើយគាត់បានចតទុកអែបខាង រួចចុះមកសាកសួរប្រភពព័ត៌មានពីប្រជាពលរដ្ឋនៅកន្លែងកើតហេតុ នោះខណៈពេលកំពុងជាប់រវល់សួរនាំប្រជាពលរដ្ឋស្រាប់តែពេលក្រឡេករកមើលម៉ូតូបែរជាមិនឃើញមិនដឹងអ្នកណាលួចកាច់កយកទៅបាត់។
បច្ចុប្បន្នក្រោយកើតហេតុលោកអោម សុភ័ណ្ឌ បានទៅដាក់ពាក្យបណ្ដឹងនៅប៉ុស្តិ៍នគរបាល បឹងសាឡាងដើម្បីអោយសមត្ថកិច្ចជួយអន្តរាគមន៍ស្រាវជ្រាវ រកម៉ូតូនិងជនសង្ស័យយកមកផ្ដន្ទាទោ សតាមច្បាប់ ៕
