អាយុទើប១៤ឆ្នាំសោះ ច្រៀងពីរោះខ្លាំងពេក ដល់ថ្នាក់ធ្វើឲ្យ សុខ សីឡាលីន និង ខេមរៈ សិរីមន្ត ឡើងព្រឺរោមតែម្តង (មានវីដេអូ)

កម្មវិធី ប្រលងចម្រៀង លំដាប់កំពូល ល្បីទូទាំងពិភពលោក X Factor Cambodia វគ្គ Judge Audition ​បានឈានដល់ សប្ដាហ៍ទី៣ ហើយ នៅយប់ថ្ងៃទី ២១ ខែកក្កដា ឆ្នាំ ២០១៩ នេះ។ ក្នុងសប្តាហ៍នេះ ក៏មិនធម្មតាចាញ់សប្តាហ៍មុនៗប៉ុន្មានទេ ព្រោះសមត្ថភាពបេក្ខនារី និងបេក្ខជន ពិតជាអស្ចារ្យខ្លាំងណាស់ ជាមួយទឹកដមសំនៀង ការដាក់អារម្មណ៍មនោសញ្ចេតនា និងស្ទីលតុបតែងខ្លួនប្លែកស្អាតម្យ៉ាងម្នាក់។

ក្នុងនោះមហាជនជាច្រើនមានការចាប់អារម្មណ៍ និងពេញចិត្តជាខ្លំាង ចំពោះបេក្ខជនម្នាក់ដែលមានអាយុទើបតែ១៤ ឆ្នាំសោះ តែមានសម្លេងល្អ រហូតដល់ថ្នាក់ធ្វើឲ្យគណៈកម្មការទាំង៤សរសើរមិនដាច់ពីមាត់ទាល់តែសោះ ជាពិសេសធ្វើឲ្យ សុខ សីឡាលីន និង ខេមរៈ សិរីមន្ត ស្តាប់ឡើងព្រឺរោមតែម្តង។

បេក្ខជនរូបនេះមានឈ្មោះ ចាន់ សុបញ្ញា មកពីខេត្ត កំពង់ចាម ព្រមទាំងបានលើកយកបទចម្រៀងមួយបទ ក្រោមចំណងជើងថា “ខូចចិត្តត្បិតព្រាត់អូន” មកធ្វើការប្រកួត។ ដើម្បីជ្រាប កាន់តែច្បាស់ សូមទស្សនាវីដេអូខាងក្រោមនេះ ទាំងអស់គ្នា៕