កម្លាំងនគរបាលប៉ុស្តិ៍ស្ទឹងមានជ័យ៣ ឃាត់ខ្លួនជនសង្ស័យម្នាក់ជួញដូរគ្រឿងញៀន ដកហូតបាន១៨កញ្ចប់
ភ្នំពេញ៖ ជនសង្ស័យម្នាក់ដែលជាមុខសញ្ញាចាស់ប្រេីប្រាស់និងជួញដូរគ្រឿង ញៀន ត្រូវបានសមត្ថកិច្ចប្រទះឃេីញពេលកំពុងដើររកម៉ូតូឌុបជិះក៏ត្រូវសមត្ថ កិច្ចសុំធ្វេីការឆែកឆេររកឃេីញថ្នាំញៀនចំនួន១៨ថង់ ទេីបកម្លាំងនគរបាលឃាត់ខ្លួនតែម្តង។ ហេតុការណ៍ឃាត់ខ្លួននេះនៅវេលាម៉ោង១៤និង៣០នាទីរសៀលថ្ងៃទី១៤ខែមិថុនាឆ្នាំ២០១៩នៅចំណុចមុខផ្សារឯករាជ្យ៣ ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ ។
ជនសង្ស័យដែលសមត្ថកិច្ចឃាត់ខ្លួនបានមានឈ្មោះ ប្រាក់ ផៃ អាយុ១៩ឆ្នាំ ភេទប្រុស មុខរបរមិនពិតប្រាកដ ទីលុះនៅមិនពិតប្រាកដ។ វត្ថុតាងសមត្ថកិច្ចដកហូត ថ្នាំញៀនប្រភេទម្សៅសក្រោមចំនួន១៨កញ្ចប់ថង់តូច។
បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនបណ្ណោះ អាសន្ននៅប៉ុស្តិ៍នគរបាលស្ទឹងមានជ័យ៣ដេីម្បីកសាងសំណុំរឿងបញ្ជូនទៅអធិការដ្ឋាននគរបាលខណ្ឌមានជ័យដម្បីបន្តនិតិវិធីតាមផ្លូវច្បាប់ ៕
