បង្ក្រាបមេក្លោងជួញដូរគ្រឿងញៀនម្នាក់រឹបអូសថ្នាំជិត៥០កញ្ចប់ នៅខណ្ឌពោធិ៍សែនជ័យ

បង្ក្រាបមេក្លោងជួញដូរគ្រឿងញៀនម្នាក់រឹបអូសថ្នាំជិត៥០កញ្ចប់ នៅខណ្ឌពោធិ៍សែនជ័យ

(ភ្នំពេញ)៖ កម្លាំងនគរបាលប៉ុស្តិ៍ចោមចៅទី២ នៃអធិការដ្ឋាននគរបាលខណ្ឌពោធិ៍សែនជ័យ បានធ្វើការឆ្មក់បង្ក្រាបមេក្លោងជួញដូរដ៏សកម្មម្នាក់រួមជាមួយថ្នាំប្រភេទម៉ាទឹកកកចំនួន៤៤កញ្ចប់ផងដែរ។ ប្រតិបត្តិការខាងលើនេះបានធ្វើឡើងនៅថ្ងៃទី២៨ ខែឧសភា ឆ្នាំ២០១៩នេះចំណុចផ្លូវបេតុងភូមិថ្មគោលទី១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ក្រោមការបញ្ជាផ្ទាល់ពីលោក យឹម សារ៉ាន់ អធិការនគរបាលខណ្ឌពោធិ៍សែនជ័យ។

លោក សាន ប៉ែត នាយប៉ុស្តិ៍នគរបាលចោមចៅទី២បានឲ្យដឹងថាជនសង្ស័យឈ្មោះ ញឹម វណ្ណែត អាយុ២៣ឆ្នាំ ទីកន្លែងកំណើតនៅភូមិភ្នៀត សង្កាត់ស្ទឹងមានជ័យ ខណ្ឌមានជ័យ ស្នាក់នៅបន្ទប់ជួលភូមិថ្មគោលទី១ សង្កាត់ចោមចៅទី២ ខណ្ឌពោធិ៍សែនជ័យ ។

លោក សាន ប៉ែត បានឲ្យដឹងថានៅមុនពេលឃាត់ខ្លួនជនសង្ស័យខាងលើខណៈដែលជនសង្ស័យកំពុងធ្វើសកម្មភាពអង្គុយលក់ដូរយ៉ាងសកម្មនៅក្រោមដើមស្វាយមួយដើមភ្លាមៗនោះកម្លាំងរបស់លោកក៏បានបើកប្រតិបត្តិការណ៍ចាប់ខ្លួនជនសង្ស័យបានភ្លាមៗតែម្តង និងឆែកឆេរលើខ្លួនជនសង្ស័យរកឃើញថ្នាំញៀនប្រភេទម៉ាទឹកកកចំនួន៤៤កញ្ចប់ផងដែរ។

បច្ចុប្បន្នកម្លាំងជំនាញប៉ុស្តិ៍ចោមចៅទី២កំពុងសួរនាំនិងកសាងសុំណុំរឿងបញ្ជូនបន្តទៅកាន់ផ្នែកជំនាញគ្រឿងញៀននៃអធិការដ្ឋានខណ្ឌពោធិ៍សែនជ័យចាត់បន្តតាមផ្លូវច្បាប់ ៕