រថយន្ដដឹកដីមួយគ្រឿងក្រឡាប់ផ្ងារជើងចាក់ខ្សាច់រាយពេញផ្លូវបណ្ដាលឲ្យបាក់ដៃតៃកុងរថយន្ដម្នាក់

រថយន្ដដឹកដីមួយគ្រឿងក្រឡាប់ផ្ងារជើងចាក់ខ្សាច់រាយពេញផ្លូវបណ្ដាលឲ្យបាក់ដៃតៃកុងរថយន្ដម្នាក់

ភ្នំពេញ៖ រថយន្ដដឹកដីមួយគ្រឿងបើកលឿនពេកដ៏ផ្លូវកោងបួងចង្កូតក្រឡាប់ផ្ងារជើងមួយចំហៀងចាក់ខ្សាច់រាយពេញផ្លូវនិងរបួសបាក់ដៃតៃកុងរថយន្ដម្នាក់ ហេតុការណ៍នេះកើតឡើងនៅវេលាម៉ោង៩ និង៣០នាទីព្រឹក នៅថ្ងៃទី២៤ ខែឧសាភា ឆ្នាំ២០១៩ ស្ថិតតាមបណ្ដោយផ្លូវ៦០ម៉ែត្រទល់មុខនិងក្រុមហ៊ុនរថយន្ដសាដេន ក្នុងសង្កាត់ចាក់អង្រែកលើ ខណ្ឌមានជ័យ រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានប្រាប់ឲ្យដឹងថាមុនពេលកើតហេតុគេឃើញរថយន្ដដឹកដីមួយគ្រឿងក្បាលពណ៌ខៀវខ្ចី ពាក់ស្លាកលេខកណ្ដាល3A-0335 បើកបរដោយបុរសម្នាក់បើកបរក្នុងទិសដៅពីជើងមកត្បូងក្នុងល្បឿនលឿន ខណះពេលមកដល់និងចំណុចផ្លូវកោងជាកន្លែងកើតហេតុបានបួងចង្កូតកាច់ ក៏ក្រឡាប់ផ្ងារជើងមួយចំហៀងតែម្ដងចាក់ខ្សាច់រាយពេញផ្លូវ និងបណ្ដាលឲ្យបាក់ដៃតៃកុងរថយន្ដម្នាក់បានបព្ចូានទៅមន្ទីពេទ្យភ្លាមៗ ហេតុការណ៍ខាងលើនេះមិនបង្កគ្រោះថ្នាក់អ្នកដទៃទេ។

ក្រោយពេលកើតហេតុសមត្ថកិច្ចក៏បានមកដល់និងចំណុចកើតហេតុក៏បានទំនាក់ទំនងខាងរថយន្ដស្ទូចមក ដើម្បីស្ទូចរថយន្ដចេញពីកន្លែងកើតហេតុ ចំពោះម្ចាស់រថយន្ដបង្កហេតុរងចាំសមត្ថកិច្ចដោះស្រាយនៅពេលក្រោយ៕មីដា