លួចរបស់គេតែងវិនាស! ជនមិនស្គាល់មុខម្នាក់លួចកាច់កម៉ូតូបានសម្រេចជិះទៅបុករថយន្តផ្សេងមួយគ្រឿងទៀត
ភ្នំពេញ៖ចោរលួចកាច់កម៉ូតូបសម្រេចហេីយ ភ័យស្រន់ស្លោ ជិះលឿនជ្រុលទៅបុករថយន្ត BMW ដួលខ្ទេចម៉ូតូ ជនសង្ស័យគេចខ្លួនបាត់ស្រមោល ដោយបន្សល់ទុកម៉ូតូនៅកន្លែងកេីតហេតុ។
ហេតុការណ៍នេះបានកេីតឡេីងកាលពីវេលាម៉ោង១២និង៣០នាទីថ្ងៃទី២៣ខែឧសភាឆ្នាំ២០១៩មានជនសង្ស័យមិនស្គាល់មុខបានធ្វេីសកម្មភាពកាច់កម៉ូតូមួយគ្រឿងម៉ាកNexពណ៌សស្លាកលេខភ្នំពេញ1GI-5921 ដែលបានចតទុកមុខផ្ទះម្តុំសង្កាត់ទួលទំពូង១ បានសម្រេចហេីយជនសង្ស័យបានជិះរត់គេចខ្លួនរហូតដល់ចំណុចផ្លូវ១០៥ទល់មុខហាងលក់គ្រឿងសង្ហារឹម ស្ថិតក្នុងសង្កាត់បឹងត្របែកក៏ជ្រុលទៅបុកនឹងរថយន្តមួយគ្រឿងម៉ាក BMW ពណ៍ខ្មៅស្លាកលេខភ្នំេញ2AQ-0088 ចំពីមុខបណ្តាលអោយម៉ូតូរងការខូចខាតជិះទៅមុខលែងរួច ចំណែកជនសង្ស័យបានរងរបួសស្រាលរត់គេចយករួចខ្លួន។
សមត្ថកិច្ចបានអោយដឹងថាក្រោយពេលកេីតហេតុគ្រោះថ្នាក់ចរាចរណ៍នេះកេីតឡេីង សមត្ថកិច្ចបានចុះទៅដល់កន្លែងកេីតហេតុដោយមិនឃេីញភាគីខាងម៉ូតូហេីយបានធ្វេីការស្រាវជ្រាវតាមរយះស្លាកលេខម៉ូតូទេីបដឹងថា មានជនរងគ្រោះទេីបមកដាក់ពាក្យបណ្តឹងបាត់ម៉ូតូម៉ាក Nex នេះ។
