គោលដៅត្រួតពិនិត្យអាវុធជាតិផ្ទុះផ្លូវ២៧១ សមត្ថកិច្ចខណ្ឌមានជ័យ អូសម៉ូតូ១២គ្រឿង យកទៅធ្វេីការបង់ផាកពិន័យ!
រាជធានីភ្នំពេញ ៖ កម្លាំងចម្រុះគណៈបញ្ជាការឯកភាពខណ្ឌមានជ័យ បានសម្រេចធ្វើការឃាត់ម៉ូតូជាច្រើនគ្រឿងទៀតហើយ ខណៈដែលម្ចាស់បេីកបរឆ្លងកាត់គោលដៅត្រួតពិនិត្យអាវុធជាតិផ្ទុះ ជាតិអាកុល និងពង្រឹងច្បាប់ចរាចរណ៍ផ្លូវគោក ហើយបានរកឃើញថា អ្នកទាំងនោះបានហូបគ្រឿងស្រវឹងលើសច្បាប់ដែលត្រូវផាកពិន័យ និងម៉ូតូពុំមានស្លៀកលេខ រួមទាំងអត់ពាក់មួកការពារសុវត្ថិភាព និងមិនដាក់កញ្ចក់សម្រាប់មេីលក្រោយ ។
មន្ត្រីអនុវត្តច្បាប់ចរាចរណ៍ខណ្ឌមានជ័យ បានអោយដឹងថា ការដាក់គោលដៅត្រួតពិនិត្យអាវុធជាតិផ្ទុះ ជាតិអាកុល និងពង្រឹងច្បាប់ចរាចរណ៍នេះ ធ្វេីឡេីងនៅចំណុចមុខសាលាបឋមសិក្សាបឹងត្របែកខាងត្បូង លេីកំណាត់ផ្លូវលេខ២៧១ ភូមិក្បាលទំនប់ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ នាយប់ថ្ងៃពុធ ទី០៨ ខែឧសភា ឆ្នាំ២០១៩ ចាប់ពីម៉ោង២១ម៉០០នាទី ដល់ម៉ោង២៣:៤៥នាទី ។
សមាសភាពចូលរួមមាន កម្លាំងអធិការដ្ឋាននគរបាលខណ្ឌមានជ័យចំនួន ៣០នាក់ ដឹកនាំដោយ៖១-លោកវរសេនីយ៍ទោ ណិប វិបូរ ឋានៈអធិការរង ។ ២-លោកវរសេនីយ៍ត្រី គឹម កល្យាណ ឋានៈ អធិការរង ។ ៣-លោកវរសេនីយ៍ត្រី នួន ចាន់ ឋានៈ អធិការរង បានសហការជាមួយកម្លាំងសាលាខណ្ឌមានជ័យ ដឹកនាំដោយលោក អ៊ូ សុផាន (តំណាងសាលាខណ្ឌមានជ័យ) និងលោក ឡេង ចន្ទសុភ័ត្រា បានដឹកនាំកម្លាំងចំនួន ១៥នាក់ (ដោយប្រេីប្រាស់កម្លាំងសរុបចំនួន ៤៥នាក់) និងដោយមានការចូលរួមពីលោក លុក ជ័យ ចៅសង្កាត់បឹងទំពុនទី២ និងកម្លាំងប្រជាការពារសង្កាត់ផងដែរ។
ជាលទ្ធផលត្រួតពិនិត្យបានរួមមាន ៖ ១-រថយន្តឆ្លងកាត់ចំនួន ៤៦គ្រឿង ។ ២-ម៉ូតូឆ្លងកាត់ចំនួន ១៣៧គ្រឿង (ក្នុងនោះដកហូតចំនួន ១២គ្រឿង ដែលអ្នកបើកបរគ្មានពាក់មួកសុវត្ថិភាព យកមកអធិការដ្ឋាននគរបាលខណ្ឌមានជ័យដើម្បីធ្វេីការបង់ផាកពិន័យតាមច្បាប់)។ ៣-អាវុធឆ្លងកាត់ គ្មាន។ ៤-អ្នកបើកបរមានជាតិស្រវឹង (គ្មាន)។
