បាក់ស្លាកប៉ាន់ណូទឹកដោះគោ Dumex-dupro បណ្តាលឲ្យមនុស្សម្នាក់រងរបួសស្រាល និងបាក់សង្កាត់ត្រូវម៉ូតូមួយគ្រឿង
បាក់ស្លាកប៉ាន់ណូទឹកដោះគោ Dumex-dupro បណ្តាលឲ្យមនុស្សម្នាក់រងរបួសស្រាល និងបាក់សង្កាត់ត្រូវម៉ូតូមួយគ្រឿង
ភ្នំពេញ៖ នៅរសៀលថ្ងៃទី៦ ខែឧសភា ឆ្នាំ២០១៩នេះ នៅក្នុងរាជធានីភ្នំពេញមានភ្លៀងធ្លាក់ រួមជាមួយខ្យល់កន្ត្រាក់បណ្តាលឲ្យបាក់ស្លាកប៉ាន់ណូទឹកដោះគោ Dumex-dupro ដែលស្ថិតនៅតាមបណ្តោយផ្លូវជាតិលេខ៥ ផ្លូវជាតិលេខ៥ ក្រុម៣ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។
លោកវរសេនីយ៍ទោ គល់ យី អធិការនគរបាលខណ្ឌ បានឲ្យដឹងថាក្នុងហេតុការណ៍ខាងលើ បណ្តាលឲ្យមនុស្សម្នាក់រងរបួសស្រាល ឈ្មោះ ថោង សុខ ភេទប្រុស អាយុ៤៩ឆ្នាំ សញ្ជាតិខ្មែរ មុខរបរជាងភ្លើង អាស័យដ្ឋានភូមព្រែកព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ (រងរបួសទ្រូងស្រាល) និងបាក់សង្កាត់ត្រូវម៉ូតូមួយគ្រឿង។
លោកអធិការបន្តថា បច្ចុប្បន្នលោកកំពុងដឹកនាំកម្លាំងបញ្ជាផ្ទាល់ដើម្បីសម្រួលចរាចរណ៍កុំឲ្យកកស្ទះ និងទាក់ទងទៅសមត្ថកិច្ចជំនាញដើម្បីលើកស្លាកប៉ាណូនោះចេញពីផ្លូវ ៕
