សាលាសង្កាត់ទាំង៧ នៃខណ្ឌមានជ័យ សូមអញ្ជេីញបងប្អូនទើបគ្រប់អាយុ ១៨ឆ្នាំ ឬមិនទាន់បានចុះឈ្មោះបោះឆ្នោត និងទើបផ្លាស់ទីលំនៅមករស់នៅតាមសង្កាត់ ទៅចុះឈ្មោះបោះឆ្នោតទាំងអស់គ្នា!
រាជធានីភ្នំពេញ ៖ សាលាសង្កាត់ទាំង៧ នៃខណ្ឌមានជ័យ មានដូចជា ១.សាលាសង្កាត់ចាក់អង្រែក្រោម,
២.សាលាសង្កាត់ចាក់អង្រែលេី,
៣.សាលាសង្កាត់បឹងទំពុនទី១,
៤.សាលាសង្កាត់បឹងទំពុនទី២,
៥.សាលាសង្កាត់ស្ទឹងមានជ័យទី១,
៦.សាលាសង្កាត់ស្ទឹងមានជ័យទី២,
៧.សាលាសង្កាត់ស្ទឹងមានជ័យទី៣, សូមជូនដំណឹងដល់ប្រជាពលរដ្ឋនៅក្នុងមូលដ្ឋានសង្កាត់និមួយៗ ក្នុងចំណោមសង្កាត់ទាំង៧ នៃខណ្ឌមានជ័យខាងលេីនេះ ឲ្យបានជ្រាបថា ៖ ការចុះឈ្មោះបោះឆ្នោត ឆ្នាំ២០១៩ បានចាប់ផ្តើម ដំណើរការហើយ គឺចាប់ពីថ្ងៃទី០១ ដល់ ថ្ងៃទី២២ ខែឧសភា ឆ្នាំ២០១៩ ម៉ោងធ្វើការពេលព្រឹក ចាប់ផ្តើមម៉ោង៧:០០ព្រឹក ដល់ម៉ោង១១:៣០ព្រឹក នឹងពេលល្ងាចពីម៉ោង១៤:០០ល្ងាច ដល់ម៉ោង១៧:៣០ល្ងាច ដោយមិនគិតថ្ងៃសម្រាក ថ្ងៃសៅរ៍ អាទិត្យ ឬថ្ងៃបុណ្យឡេីយ ។
សូមបងប្អូនប្រជាពលរដ្ឋ ទើបគ្រប់អាយុ ១៨ឆ្នាំ ឬមិនទាន់បានចុះឈ្មោះបោះឆ្នោត និងទើបផ្លាស់ទីលំនៅពី ឃុំសង្កាត់ផ្សេងហើយចង់បោះឆ្នោត នៅក្នុងសង្កាត់ណាមួយ ក្នុងចំណោមសង្កាត់ទាំង៧ នៃខណ្ឌមានជ័យ បងប្អូនអាចមកចុះឈ្មោះ, កែតម្រូវឈ្មោះ រឺផ្ទេរឈ្មោះ ដែលមានទីតាំងនៅតាមសាលាសង្កាត់ដែលលោកអ្នកផ្លាស់មក ។
ចំពោះលក្ខខណ្ឌ ដើម្បីចុះឈ្មោះបោះឆ្នោតបាន គឺត្រូវបង្ហាញខ្លួន និងអត្តសញ្ញាណប័ណ្ណសញ្ជាតិខ្មែរ នៅចំពោះមុខក្រុមចុះឈ្មោះបោះឆ្នោត នៅការិយាល័យចុះឈ្មោះបោះឆ្នោតណាមួយក្នុងឃុំ សង្កាត់ ដែលខ្លួនកំពុងរស់នៅ។
មានសញ្ជាតិខ្មែរ។ មានអាយុចាប់ពី១៨ឆ្នាំឡើង គិតដល់ថ្ងៃទី៣១ ខែកក្កដា ឆ្នាំ២០១៩។
មានលំនៅឋាន ឬទីសំណាក់ក្នុងឃុំ សង្កាត់ ដែលសាមីខ្លួនត្រូវបោះឆ្នោត។ មិនទាន់បានចុះឈ្មោះ ឬបានចុះឈ្មោះបោះឆ្នោតនៅឃុំ សង្កាត់ ផ្សេងណាមួយហើយ ឬមិនទាន់បានចុះឈ្មោះនៅកន្លែងណាមួយក្នុងឃុំ សង្កាត់៕ (ដោយ បងម៉េង)
