នគរបាលជុំនាញខណ្ឌដូនពេញឃាត់ខ្លួនជនសង្ស័យជួញដូរគ្រឿងញៀន០២នាក់រួមទាំងថ្នាំញៀនចំនួន០៥កញ្ចប់

ភ្នំពេញៈជនសង្ស័យជាមុខសញ្ញាជួញដួរគ្រឿងញៀនចំនួន០២នាក់ត្រូវបានកម្លាំងនគរបាលជំនាញខណ្ឌដូនពេញដឹកនាំកម្លាំងដោយលោកអនុសេនីយ៍ឯក ម៉ៅចាន់ថុន អធិការងខណ្ឌដូនពេញធ្វើការចុះបង្ក្រាបឃាត់ខ្លួនខណៈពេលក្រុមជនសង្ស័យខាងលើកំពុងចេញធ្វើសកម្មភាពជួញដូរយ៉ាងអនាធិប្បតេយ្យត្រូវសមត្ថកិច្ចបើកប្រតិបត្តិការបង្ក្រាបបានជាក់ស្ដែង កាលវេលាម៉ោង១១និង៣០នាទីថ្ងៃទី៦ខែមេសា ឆ្នាំ២០១៩

ស្ថិតនៅចំណុចផ្លូវ រថភ្លើង R៦ ក្រុម៣៩ ភូមិ៣ សង្កាត់ស្រះចក ខណ្ឌដូនពេញ។

ក្នុងប្រតិបត្តិការណ៍ខាងលើកម្លាំងសមត្ថកិច្ចនគរបាលខណ្ឌដូនពេញចុះបង្ក្រាបឃាត់ខ្លួនបានជនសង្ស័យជួញដូរគ្រឿងបានចំនួន២នាក់
រួមទាំងដកហូតវត្ថុតាង
១/ក្រាមពណ៌សរថ្លាសង្ស័យជាគ្រឿងញៀនចំនួន៥កញ្ចប់ ធំ៣កញ្ចប់ តូច២កញ្ចប់។
២/ថង់សំរាប់ច្រកគ្រឿងញៀនមួយចំនួន។

បច្ចុប្បន្នជនសង្ស័យខាងលើត្រូវកម្លាំងនគរបាល ជំនាញខណ្ឌដូនពេញ កំពុងសាកសួរយកចម្លើយ បន្តស្រាវជ្រាវរកបក្ខពួក​ និង ក្រុមដ៏ទៃផ្សេងទៀត ព្រមទាំងកសាងសំណុំរឿង ដើម្បីបញ្ជូនទៅសាលា​ដំបូងរាជធានី​ភ្នំពេ​ញ អនុវត្តតាមនីតិវិធី។ ទិសដៅបន្ត អធិការដ្ឋាននគរបាលខណ្ឌដូនពេញ នឹងប៉ុស្តិ៍រដ្ឋបាលទាំង​១១ បន្តជំរុញការស្រាវជ្រាវ ដើម្បីបើកការបង្រ្កាប។