សមត្ថកិច្ចឆ្មក់ចុះបង្ក្រាបល្បែងសុីសង បែប៉ះចំក្រុមអ្នកលេងថ្នាំញៀន ប្រដាប់ដោយដាវសាម៉ូរ៉ៃ ឃាត់ខ្លួនបានប្រុសស្រី ៨នាក់!
ខេត្តបន្ទាយមានជ័យ ៖ ក្មេងអ្នកលេងថ្នាំញៀនចំនួន៨នាក់ ស្រីមួយនាក់ ត្រូវបានកម្លាំងសមត្ថកិច្ចបង្ក្រាបចាប់ខ្លួន ខណៈដែលកំពុងសង្ងំលាក់ខ្លួនជក់ថ្នាំញៀន កាលពីល្ងាចថ្ងៃទី២៩ ខែមិនា ឆ្នាំ២០១៩ នៅចំណុចវាលស្រែចម្ងាយ២,០០០ម៉ែត្រ ខាងត្បូងដុងអារញ្ញ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។
តាមសមត្ថកិច្ចបានឲ្យដឹងថា មុនបង្ក្រាបក្រុមនេះ កម្លាំងសមត្ថកិច្ចចុះទៅបង្ក្រាបស្វៀនជល់មាន់ទេ តែទៅដល់ មានសេចកតីតរាយការណ៍ ករណីខាងលើ កំពុងជក់គ្រឿងញៀន ទើបកម្លាំងសមត្ថកិច្ចឡោមព័ទ្ធចាប់ខ្លួនបានភ្លាមៗ៨នាក់ ស្រី១នាក់ សម្ភារៈ ដាវសាំម៉ូរ៉ៃ និងកាំបិត ជាច្រើនដើម ។
ជនសង្ស័យទាំង៩នាក់ ទី១.ឈ្មោះ ដូង ចន្ទ័រៈ ភេទស្រី អាយុ១៩ឆ្នាំ នៅភូមិនិមិត្ត២ សង្កាត់និមិត្ត ក្រុងប៉ោយប៉ែត ជាប្រពន្ធរបស់ឈ្មោះ ចន្នី មុខសញ្ញាជួញដូរប្រើប្រាស់គ្រឿងញៀនរត់គេចខ្លួន ។ ទី២.ឈ្មោះ យ៉ុន ផែន ភេទប្រុស អាយុ២៧ឆ្នាំ នៅភូមិថ្មី ឃុំទទួលពង្រ ស្រុកម៉ាឡៃ ។
ទី៣.ឈ្មោះ សួម ឆែ ភេទប្រុស អាយុ៣៣ឆ្នាំ នៅភូមិអន្លង់ស្វាយ ឃុំម៉ាឡៃ ស្រុកម៉ាឡៃ ។ ទី៤,ឈ្មោះ អឿន សុជាតិ ភេទប្រុស អាយុ១៨ឆ្នាំ ។ ទី៥.ឈ្មោះ ហែក ម៉ាច ភេទប្រុស អាយុ២២ឆ្នាំ ។ ទី៦.ឈ្មោះ ចុង ប្លូច ភេទប្រុស អាយុ២៧ឆ្នាំ ។
ទី៧.ឈ្មោះ វឿន សាវន ភេទប្រុស អាយុ២៥ឆ្នាំ ។ ទី៨.ឈ្មោះ ផន សុធា ភេទប្រុស អាយុ២៨ឆ្នាំ អ្នកទាំង៥នាក់នៅភូមិដុងអារញ្ញ សង្កាត់និមិត្ត ក្រុងប៉ោយប៉ែត ។
បច្ចុប្បន្នពាក់ព័ន្ធករណីខាងលេីនេះ សមត្ថកិច្ចកសាងសំណុំរឿងចាត់ការតាមនីតិវិធី៕
