បុរស២នាក់កំពុងជិះម៉ូតូត្រូវរថយន្ដកុងតឺទ័រគៀរបណ្ដោលឲ្យខ្ទាតចូលក្រោមរថយន្ដកិនស្លាប់ម្នាក់និងរបួសធ្ងន់ម្នាក់

ភ្នំពេញ រន្ធត់ណាស់! បុរស២នាក់កំពុងតែជិះម៉ូតូត្រូវរថយន្ដកុងតឺន័របើកគ្រៀរទាក់ដៃចង្កូតចូលក្រោមរថយន្ដបណ្ដាលឲ្យកិនបែកក្បាលធ្លាយខួរស្លាប់ម្នាក់និងរងរបួសធ្ងន់ម្នាក់ បព្ជាូនទៅមន្ទីពេទ្យភ្លាមៗ ហេតុការណ៍ដ៏រន្ធត់មួយនេះបានបង្ករការភ្ញាក់ផ្អើលកាលពីវេលាម៉ោង៨ និង២០នាទីយប់ នៅថ្ងៃទី១៦ ខែមិនា ឆ្នាំ២០១៩ ស្ថិតតាមបណ្ដោយផ្លូវលេខ១ ចំណុចកើតហេតុក្បែរវត្តនិរោធ សង្កាត់និរោធ ខណ្ឌច្បារអំពៅ រាជធានីភ្នំពេញ។ សពជនរងគ្រោះឈ្មោះ ភួង សៅ ភេទប្រុស អាយុ២៩ឆ្នាំ ទីកន្លែងស្រុកកំណើតនៅភូមិតាលក់ ឃុំតាលក់ ស្រុកស្អាង ខេត្ដកណ្ដាល៕
យោងតាមប្រភពពីកន្លែងកើតហេតុបានប្រាប់ឲ្យដឹងថាមុនពេលកើតហេតុគេឃើញបុរស២នាក់ជិះម៉ូតូម៉ាកហុងដាសង់ឌ្រីតស៊េរី២០១៥ ពណ៌ខ្មៅពាក់ស្លាកលេខភ្នំពេញ1FF-3698 ដែលកំពុងតែជិះម៉ូតូតាមបណ្ដោយផ្លូវជាតិលេខ១ ក្នុងទិសដៅពីកើតមកលិចក្នុងល្បឿនមធ្យម លុះមកដល់និងចំណុចកើតហេតុក៏មានរថយន្ដកុងតឺន័រមួយគ្រឿងពណ៌ឈាមជ្រូក ដែលពាក់ស្លាកលេខ ព្រះសីហនុ44-1726 ស្លាកលេខខាងមុខ3D-4607 ដែលបានធ្វើដំណើរក្នុងទិសដៅស្របគ្នា ខណះពេលមកដល់និងចំណុចកើតហេតុក៏បានបើកគៀរទាក់ដៃចង្កូតបណ្ដាលឲ្យធ្លាក់ចុះក្រោមរថយន្ដកិនបែកក្បាលធ្លាយខួរស្លាប់ម្នាក់ និងរបួសធ្ងន់ម្នាក់ បានខាងរថយន្ដសង្គ្រោះបន្ទាន់ដឹកទៅមន្ទីពេទ្យ ចំណែកឯកៃកុងបង្ករចុះពីរថយន្ដគេចខ្លួនបាត់ស្រមោល។
ក្រោយពេលកើតហេតុសមត្ថកិច្ចចុះមកដល់និងកន្លែងកើតហេតុបានធ្វើការវាស់វែងម៉ូតូនិងរថយន្ដយកទៅរក្សាទុករងចាំបងប្អូនមកយកនៅតាមក្រោយ ចំណែកឯសពជនរងគ្រោះប្រគល់ឲ្យសាច់ញាតិយកទៅធ្វើបុណ្យទៅតាមប្រពៃណីនៅឯស្រុកកំណើត៕