ផ្លោងដុំថ្ពីការដ្ឋានចិនមួយកន្លែង ចម្ងាយប្រហែល២៥០ម៉ែត្រ ធ្លាក់មកត្រូវចំក្បាលបុរសម្នាក់ស្លាប់ យ៉ាងអណោចអធម៌
កាលពីថ្ងៃទី15 ខែមីនា ឆ្នាំ២០១៩ វេលាម៉ោង៥ និង១០ នាទី នៅការដ្ឋានកិនថ្ម(ចិន)ឈ្មោះ ឆៃណារ៉ូតអ៊ែនប៊្រីតខុមប្រេសិន ស្ថិតនៅភូមិអណ្តូងល្វេ ឃុំជប់ ស្រុកត្បូងឃ្មុំ ខេត្តត្បូងឃ្មុំ មានការបំផ្ទុះថ្ម ផ្លោងដុំថ្មចម្ងាយប្រហែល250ម៉ែត្រ ធ្លាក់មកត្រូវចំក្បាល ឈ្មោះ ជុំ រចនា ភេទ ប្រុស អាយុ29ឆ្នាំ ជាតិខ្មែរមុខរបរបេីកបររថយន្តបែនដឹកថ្ម ឲ្យក្រុមហ៊ុនខាងលេី។ ជនរងគ្រោះមានទីលំនៅភូមិស្វាយ ឃុំរហាត់ទឹក ស្រុកមង្គលបូរី ខេត្តបន្ទាយមានជ័យ(បណ្តាលអោយស្លាប់ភ្លាមៗ)នៅនឹងកន្លែង។ បច្ច្ចុប្បន្នជំនាញនគរបាលយុត្តិធម៌ស្រុកកំពុងចាត់ការតាមនីតិវិធី។
