ឆ្លងចរន្តអគ្គិសនី បណ្តាលឲ្យឆាបឆេះផ្ទះលក់បាយនិងកាហ្វេ
ភ្នំពេញ ៖ នៅវេលាម៉ោង ១២និង៣០នាទីរំលងអាធ្រាត្រ ឈានចូលថ្ងៃទី០៧ ខែមិនា ឆ្នាំ2019 មានករណីអគ្គិភ័យមួយកន្លែង កើតឡើងនៅផ្សារតាសេកតាមណ្តោយផ្លូវលំ ភូមិតាសេក សង្កាត់កំបូល ខណ្ឌពោធិសែនជ័យ រាជធានីភ្នំពេញ ។
តាមរបាយការណ៍បានឲ្យដឹងថា ម្ចាស់ឈ្មោះ ដួង តិច ភេទប្រុស អាយុ៦៣ឆ្នាំ មាន មុខរបរ: លក់បាយនឹងកាហ្វេ, ប្រភេទសំណង់: ថ្មប្រក់សង្គ័សី ទំហំ 0២ម៉ែត្រx0៣ម៉ែត្រ ។
តាមរបាយការណ៍បានឲ្យដឹងទៀតថា ឆេះខូចខាតសំភារៈអស់ទាំងស្រុង ចំនួន៦តូម រួមមានឆ្នាំងដាំបាយខ្សែភ្លើង កង្ហារចង្ក្រានហ្គាសតុកៅអី នឹងពុំបានឆេះរាលដាលដល់ផ្ទះអ្នកនៅក្បែរខាងឡើយ ។
តាមការសន្និដ្ឋានរបស់សមត្ថកិច្ចថា ការឆាបឆេះនេះ អាចបណ្តាលមកពី ឆ្លងចរន្តអគ្គិសនី ។
ក្នុងការឆាបឆេះនោះដែរក៏មានរថយន្តការិយាល័យអគ្គិភ័យចំនួន០២គ្រឿង ប្រើប្រាស់ទឹកអស់០២ឡាន ស្មើនឹង៨ម៉ែត្រគូប និងរថយន្តជំនួយរបស់អង្គភាព៩១១ចំនួន០២គ្រឿងប្រាស់ទឹកអស់ចំនួន១ឡានស្មើនឹង០៦ម៉ែត្រគូប ។
កិច្ចប្រតិបត្តិការនេះ បានពន្លត់ចប់នៅម៉ោង១និង១៥នាទីរំលងអាធ្រាត្រនាថ្ងៃខែឆ្នាំដដែល ដោយមិនមានមនុស្សណាម្នាក់រងរបួសឬស្លាប់ឡើយ ៕
