យុវជនប្រុសស្រី៣នាក់យកជីវិតលេងសើចលើដងវិថី ស្លាប់២នាក់របួសធ្ងន់១នាក់ នៅច្រមុះជ្រូកស្ទឹងមានជ័យ

ភ្នំពេញ៖ពិតជារន្ធត់ណាស់ប្រុសស្រី៣នាក់ជិះម៉ូតូល្បឿនពេកមិនប្រយ័ត្នជ្រុលទៅបុកគូទរថយន្តស៊ិនទ្រីដែលកំពុងតែបើកបត់ផ្លូវបណ្ដាលឲ្យយុវជននិងនារីម្នាក់បោកក្បាលស្លាប់និងថ្នល់ជាតិយ៉ាងអាណោចអធម័និងម្នាក់ទៀតរបួសធ្ងន់ ចំណែកឯរថយន្ដបង្កបើកគេចខ្លួចបាត់ ហេតុការណ៍នេះបង្កការភ្ញាក់ផ្អើលកាលពីវេលាម៉ោង៣ ទៀបភ្លឺ នៅថ្ងៃទី២៤ ខែកុម្ភះ ឆ្នាំ២០១៩ស្ថិតត្រង់ចំនុចផ្លូវច្រមុះជ្រូកស្ទឹងមានជ័យ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។

សពជនរងគ្រោះឈ្មោះផៃ រ៉ុង(ស្លាប់)ភេទប្រុស អាយុ២៣ឆ្នាំ ទីកន្លែងកំណើតនៅភូមិដីក្រហម ឃុំមៀន ស្រុកព្រៃឈរ ខេត្ដកំពង់ចាម។ សពជនរងគ្រោះ(ស្រីស្លាប់) អត់មានអត្តសញ្ញាណប័ណ្ណ។

យោងតាមប្រភពពីកន្លែងកើតហេតុបានប្រាប់ឲ្យដឹងថាមុនពេលកើតហេតុគេឃើញយុវជន២នាក់និងនារីម្នាក់ជិះម៉ូតូមួយគ្រឿងម៉ាកលែនពណ៌សរពាក់ស្លាកលេខភ្នំពេញ1CP-8484បានធ្វើដំណើរពីទិសដៅពីលិចមកកើតក្នុងល្បឿនលឿន ពេលមកដល់និងចំណុចកើតហេតុក៏មានរថយន្ដសុិនទ្រីមួយបានធ្វើដំណើរចំពេលតែមួយពីទិសដៅពីកើតមកត្បូង ខណះពេលនោះក៏ម៉ូតូម៉ាកលេត ជិះលឿនពេកក៏មកបុកគូទរថយន្ដពីចំហៀងខាងក្រោយពេញទំហឹងបណ្ដាលឲ្យយុវជនម្នាក់និងនារីមា្នក់បោកក្បាលនិងថ្នល់ជាតិស្លាប់យ៉ាងអាណោចអធម័នៅក្នុងថ្លុងឈាម ចំណែកយុវជនម្នាក់ទៀតរងរបួសធ្ងន់ត្រូវបានរថយន្ដសង្គ្រោះបន្ទាន់យកទៅមន្ទីពេទ្យភ្លាមៗ ឯរថយន្ដបង្កបើករត់គេចបាត់ស្រមោល។

ក្រោយពេលកេីតហេតុសម្ថកិច្ចបានចុះមកដល់ចំណុចកេីតហេតុនិងធ្វេីការវាស់វែងម៉ូតូជនរងគ្រោះយកទៅរក្សាទុករងចាំសាច់ញាតិមកយកនៅតាមក្រោយ ចំណែកសពប្រគល់ទៅក្រុមគ្រួសារយកទៅធ្វេីបុណ្យតាមប្រពៃណីនៅឯស្រុកកំណេីត។សហការី