កំពុងស្រវឹងស្រឺងៗផង ឃើញដេកទំនងពេក អារម្មណ៍ពុះកញ្ជ្រោលទប់មិនបាន ស្ទុះទៅចាប់រំលោភភ្លាម ស្រាប់តែ…
ភ្នំពេញៈ កាលពីវេលាម៉ោង១២យប់ ថ្ងៃទី៧ ខែកុម្ភៈ ឆ្នាំ២០១៩ ស្ថិតនៅត្រង់ចំណុចផ្ទះលេខ២៤៤៨ ក្រុមទី១ ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។ មានហេតុការណ៍ភ្ញាក់ផ្អើលមួយ ដោយជនសង្ស័យម្នាក់ មានឈ្មោះ សេង កុសល ហៅសើ អាយុជាង៥០ឆ្នាំ មានទីលំនៅ ផ្ទះលេខគ្មាន ក្រុម៦ ភូមិក សង្កាត់ច្រាំងចំរេះទី២ មុខរបររត់ម៉ូតូឌុប (ជនសង្ស័យមានសារធាតុញៀន)។ បានមកផឹកស្រា នៅមុខផ្ទះកើតហេតុខាងលើ។
ពេលផឹករួចក៏ចូលទៅដេក មួយស្របក់ក្រោយមកក៏ងើបទៅបន្ទប់ទឹក លុះត្រទ្បប់មកវិញ ឃើញនារីរងគ្រោះកំពុងដេកលើសាទ្បុង មើលឃើញទំនងពេក ក៏ស្ទុះទៅធ្វើសកម្មភាព ចាប់រំលោភនារីរងគ្រោះតែម្តង ភ្លាមៗនោះនារីរងគ្រោះបានរើបម្រាស់ ហើយស្រែកឆោឡោឱ្យម្ចាស់ផ្ទះជួយបានទាន់ពេល បង្កការភ្ញាក់ផ្អើលដល់អ្នកជិតខាង រាយការណ៍ប្រាប់សមត្ថកិច្ច ចុះមកជួយអន្តរាគមន៍ និងធ្វើការឃាត់ខ្លួនជនសង្ស័យមកធ្វើការសាកសួរ នៅស្នាក់ការប៉ុស្តិ៍តែម្តង។
ក្រោយកើតហេតុ ជនសង្ស័យត្រូវបានសមត្ថកិច្ចសង្កាត់ប៉ុស្តិ៍នគរបាលច្រាំងចំរេះទី២ ឃាត់ខ្លួនបញ្ជូនទៅធ្វើការសាកសួរ កសាងសំណុំរឿងបញ្ជូនទៅសាលាដំបូងរាជធានី ដើម្បីអនុវត្តន៍តាមនិតិវិធី ៕បក្សីចាំក្រុង
