រថយន្តហាយព្រីត ព្រលះរថយន្ត សាមយ៉ុងរងការខូចខាតទាំងសងខាង

ភ្នំពេញ៖ យោងតាមសេចក្តីរាយការណ៍បានអោយដឹងថា មានគ្រោះថ្នាក់ចរាចរណ៍មួយបានកើតឡើងរវាងរថយន្ត២ គឺរថយន្តហាយព្រីត បានព្រលះរថយន្តសាមយ៉ុង ពេញទំហឹងបណ្តឡអោយរងការខូចខាតយ៉ាងដំណំទាំងសងខាង តែសំណាងល្អមិនបង្កអោយនណារម្នាក់មានគ្រោះថ្នាក់ធ្ងន់ធ្ងរឡើយ។ ហេតុការគ្រោះថ្នាក់ចរាចរណ៍នេះបានកើតឡើងនៅវេលាម៉ោង១១និង៣០នាទីថ្ងៃទី៣ខែកុម្ភះឆ្នាំ២០១៩ នៅតាមបណ្តោយផ្លូវR6សង្កាត់ស្រះចក ខណ្ឌដូនពេញ។

ប្រភពព័ត៌មានពីកន្លែងកើតហេតុបានអោយដឹងថា រថយន្តបង្កម៉ាក ហាយព្រីត ពណ៌ទឹកប្រាក់ ស្លាកលេខ ព្រះសីហនុ 2-A5829 បើកបរដោយវ័យ៤៥ឆ្នាំ ក្នុងទិសដៅពីលិចទៅកើត ពេលដែលមកដល់ត្រង់ផ្លូវបំបែកជា៤ មានរថយន្តសាមយ៉ុង ពណ៌ទឹកប្រាក់ស្លាកលេខភ្នំពេញ2AM-8139បើកបរដោយបុរសម្នាក់ ក្នុងទិសដៅពីជើងទៅត្បូង បណ្តាលអោយរថយន្តទាំង២រងការខូចខាតយ៉ាងដំណំទៅមុខលែងរួច។

ក្រោពេលកើតហេតុសមត្ថកិច្ចបានចុះវាស់វែងរថយន្តទាំង២បណ្តោះអាសន្ន រងចាំអោយភាគីទាំង២ដោះស្រាយគ្នាដោយសន្តិវិធី៕ បក្សីចាំក្រុង