នគរបាលខេត្តបាត់ដំបង ចាប់ខ្លួនឃាតករដៃឆៅ សម្លាប់មនុស្សប្លន់យកទ្រព្យសម្បត្តិ នៅខណ្ឌមានជ័យរាជធានីភ្នំពេញ
ខេត្តបាត់ដំបង៖ នៅថ្ងៃទី៣១ ខែមករា ឆ្នាំ២០១៩ វេលាម៉ោង ១១៖០០នាទី ដោយអនុវត្តនូវបទបញ្ជារបស់ឯកឧត្តម ឧត្តមសេនីយ៍ទោ អ៊ុច.សុខុន ស្នងការ នៃស្នងការដ្ឋាននគរបាលខេត្តបាត់ដំបង ព្រមទាំងបានការសម្របសម្រួលលើនីតិវិធីពី លោក នួន សាន ព្រះរាជអាជ្ញាអមសាលាដំបូងខេត្តបាត់ដំបង។
លោកឧត្តមសេនីយ៍ត្រី ជេត.វណ្ណនី ស្នងការរងទទួលផែនការងារព្រហ្មទ័ណ្ឌ នៃស្នងការដ្ឋាននគរបាលខេត្តបាត់ដំបង បានដឹកនាំកងកម្លាំងនគរបាលក្នុងផែន និងស្រុកកំរៀង សហការណ៍ជាមួយ កម្លាំងនគរបាលនាយកដ្ឋានព្រហ្មទ័ណ្ឌ នៃអគ្គស្នងការដ្ឋាននគរបាលជាតិ ដឹកនាំធ្វើការស្រាវជ្រាវ និងឃាត់ខ្លួនជនស័ង្សយឈ្មោះ សាន់ ទង ហៅធី ភេទប្រុស អាយុ ២៥ឆ្នាំ មានទីលំនៅក្នុងរាជធានីភ្នំពេញ ត្រង់ចំណុចភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង។ ក្នុងខណ:ជនសង្ស័យរូបនេះប៉ុនប៉ងលួចឆ្លងដែនចូលទៅក្នុងទឹកដីថៃ។
សូមជម្រាបជូនថា ជនស័ង្សយឈ្មោះ សាន់.ទង ហៅ ធី រូបនេះ បានប្រព្រឹត្តិករណីឃាតកម្មទៅលើជនរងគ្រោះឈ្មោះ យ៉ាន់ ជឿន ភេទប្រុស ជាអ្នករត់ម៉ូតូឌុប ដោយប្រើប្រាស់កាំបិទចាក់យ៉ាងសុះសាច់ទៅលើជនរងគ្រោះ កាលពីថ្ងៃទី ២៧ ខែមករា ឆ្នាំ២០១៩ នៅក្នុងបន្ទប់លេខ០៣ នៃផ្ទះសំណាក់ ចន្ឋូត្រជាក់ចិត្ត ស្ថិតនៅផ្លូវបេតុង ភូមិឫស្សី០២ សង្កាត់ស្ទឹងមានជ័យ ខ័ណ្ឌមានជ័យ រាជធានីភ្នំពេញដើម្បីប្លន់យកម៉ូតូម៉ាក HONDA C125 ពណ៎ខ្មៅពាក់ស្លាកលេខ ភ្នំពេញ 1FL-9986 និងចិញ្ជៀន ០១វង់។
បច្ចុប្បន្ន ជនស័ង្សយខាងលើត្រូវបានសមត្ថកិច្ចប្រគល់ ជូនទៅនាយកដ្ឋានជំនាញដើម្បីធ្វើការស្រាវជ្រាវបន្ត និងចាត់ការទៅតាមផ្លូវច្បាប់៕ សម្រួលដោយ៖ លោកស្រី វ.ទោ ជា សារ៉ាត់
