អុញនុះ! មេតុងទីអនឡាញល្បីឈ្មោះ ម៉ូលីកា ត្រូវអាវុធហត្ថឃាត់ខ្លួនហើយ

កងរាជអាវុធហត្ថរាជធានីភ្នំពេញ នៅថ្ងៃទី ១៤ ខែធ្នូ​ ឆ្នាំ ​២០២២ នេះ បានបញ្ជាក់ឱ្យបានដឹងថា មេតុងទីនអនឡាញដ៏ល្បីល្បាញ អ្នកនាង អឿន ម៉ូលីកា ត្រូវបានកម្លាំងកងរាជអាវុធហត្ថរាជធានីភ្នំពេញ ចុះឃាត់ខ្លួននៅវេលាម៉ោង ១៥ និង ២៥ នាទី ថ្ងៃទី ១៤ ខែធ្នូ ឆ្នាំ ២០២២។

ខាងអាវុធហត្ថបានបញ្ជាក់ក្នុងព័ត៌មានបឋមឱ្យដឹងថា ការឃាត់ខ្លួនធ្វើឡើងតាមដីកាបញ្ជាឱ្យចូលខ្លួនរបស់ឯកឧត្ដម ច្រឹង ខ្មៅ ព្រះរាជអាជ្ញានៃអយ្យកាអមសាលាដំបូងរាជធានីភ្នំពេញ លេខ ៥៦៣ អ.យ.ក ចុះថ្ងៃទី ១២ ខែធ្នូ ឆ្នាំ ២០២២ ពាក់ព័ន្ធករណីមិនបំពេញកាតព្វកិច្ចចំពោះឧបករណ៍ដែលអាចជួញដូរបាន៕