ខួបកូនស្រីភ្លោះអាយុ៥ឆ្នាំ នាយក្រឹម បង្ហោះរូបជាច្រើនសន្លឹកបញ្ជាក់ពីសុភមង្គលក្នុងគ្រួសារ

ភ្នំពេញ៖ ពិតណាស់ នាយក្រឹម ត្រូវបានគេស្គាល់ជាតារាកំប្លែងដ៏ល្បីល្បាញមួយរូប ដែលពូកែវោហារនិងមានភាពកំប្លុកកំប្លែងធ្វើឲ្យមហាជនបានសើចសប្បាយ។ ម្យ៉ាងតារាជើងចាស់រូបនេះ ពិតជាទទួលបានប្រជាប្រិយភាពខ្លាំងតែម្ដង។លើសពីនេះទៅទៀតចាប់តាំងពីចូលសិល្បៈមកទល់នឹងពេលនេះ លោកកាន់តែមានការងារច្រើនជាបន្តបន្ទាប់ សឹងគ្មានពេលនំនេរឡើយ។

យ៉ាងណាមិញ បើក្រឡេកទៅមើលជីវិតឯកជនរបស់តារាឆ្នើមផ្នែកកំប្លែងរូបនេះ គេដឹងថាបច្ចុប្បន្ន នាយក្រឹម ហាក់មានសុភមង្គលជាងមុន ខណៈមានកូនភ្លោះស្រី។ ដោយកូនភ្លោះលោក ពិតជាមានមុខមាត់ស្អាត ឃ្យូតគួរឲ្យក្នាញ់តែម្ដង។ មិនតែប៉ុណ្ណោះ តារារូបនេះតែងតែថតរូបបង្ហោះជាមួយកូនស្រីបង្ហាញស្នាមញញឹមយ៉ាងមានក្ដីសុខ។

ជាក់ស្ដែង មុននេះ នាយក្រឹម បានបង្ហោះរូបភាពថ្មីជូនពរកូនស្រីភ្លោះក្នុងថ្ងៃខួបកំណើត។ បើមើលតាមរូបភាពលោកជាមួយនឹងភរិយានិងកូនស្រីភ្លោះអាយុ៥ឆ្នាំ បង្ហាញស្នាមញញឹម បញ្ជាក់ពីភាពរីករាយផងដែរ។ ហើយរូបភាពទាំងនេះ អាចបញ្ជាក់បានថា គ្រួសារតារារូបនេះពោរពេញដោយសុភមង្គលខ្លាំងតែម្ដង៕

សូមទស្សនារូបភាពខាងក្រោម៖