ស្រាវជ្រាវស្វែងរកមុខសញ្ញាលួច (ឆក់កាបូប) រហូតដល់ឃាត់ខ្លួនជនសង្ស័យ ទាំងពីរនាក់

ខេត្តកណ្ដាល ៖ ស្រាវជ្រាវស្វែងរកមុខសញ្ញាលួច (ឆក់កាបូប) រហូតដល់ឃាត់ខ្លួនជនសង្ស័យទាំងពីរនាក់ ។ កាលពី ថ្ងៃទី០២ ខែវិច្ឆិកា ឆ្នាំ២០២២ នៅចំណុចផ្លូវជាតិលេខ៤ ភូមិព្រៃរការ ឃុំឆក់ឈើនាង ស្រុកអង្គស្នួល ខេត្តកណ្ដាល ។
ជនសង្ស័យចំនួន ០២នាក់ ឃាត់ខ្លួនបាន រួមមាន ៖
ទី១- ឈ្មោះ យ៉ាន តុង ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិត នៅភូមិរកាធំ ឃុំបែកចាន ស្រុកអង្គស្នួល ខេត្តកណ្ដាល (អ្នកឆក់) ។
និងទី២- ឈ្មោះ ស៊ន សុវណ្ណ ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិត ស្នាក់នៅបន្ទប់ជួល ភូមិព្រៃសំរោង ឃុំដំណាក់អំពិល ស្រុកអង្គស្នួល ខេត្តកណ្ដាល (អ្នកបើកម៉ូតូ) ។
វត្ថុតាងចាប់ដកហូត រួមមាន ៖ ម៉ូតូម៉ាកសង់១២៥ ពណ៌ស បិតតែមឆ្នាំ២០២១ ពាក់ស្លាក់លេខភ្នំពេញ 1BV-7877 (ជនសង្ស័យជិះធ្វើសកម្មភាព) ។
ប្រទះឃើញជនសង្ស័យ ចំនួន០២នាក់ ជិះម៉ូតូម៉ាកសង់១២៥ ពណ៌ស ពាក់ស្លាក់លេខភ្នំពេញ 1BV-7877 បានធ្វើសកម្មភាពឆក់ទូរសព្ទរបស់ជនរងគ្រោះ នៅចំណុចកើតហេតុខាងលើ ។
ក្រោយពីទទួលបានព័ត៌មាន កម្លាំងនគរបាលប៉ុស្ដិ៍ពើក ប៉ុស្ដិ៍បែកចាន ប៉ុស្ដិ៍ដំណាក់អំពិល និងផ្នែកនគរបាលយុត្តិធម៌ បានរួមសហការគ្នា បានចេញស្រាវជ្រាវស្វែងរកមុខសញ្ញា រហូតដល់វេលាម៉ោង០៩និង០៥នាទីថ្ងៃទី០៣ ខែឆ្នាំដដែល ទើបផ្នែកជំនាញ និងប៉ុស្ដិ៍នគរបាលបែកចាន បានឃាត់ខ្លួនជនសង្ស័យទាំងពីរនាក់ ចំណុចភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្ដាល ហើយបាននាំជនសង្ស័យទាំងពីរនាក់ ទៅអធិការដ្ឋាននគរបាលស្រុកអង្គស្នួល ដើម្បីសួរនាំបន្ត ។
សមត្ថកិច្ច ជនសង្ស័យទាំង២នាក់ បានឆ្លើយសារភាពថា ពួកគេពិតជាបានធ្វើសកម្មភាពឆក់យកទូរសព្ទរបស់គេប្រាកដមែន ហើយកន្លងមកខ្លួន ក៏ធ្លាប់ប្រើប្រាស់សារធាតុញៀន ផងដែរ ។ ករណីនេះ កម្លាំងផ្នែកជំនាញ កំពុងកសាងសំណុំរឿងតាមនីតិវិធីច្បាប់ ៕