មើលដៃគូគេផង សមនឹងឈ្មោះដៃគូយ៉ិនស៊ិនមែន រួមការងារជាមួយគ្នាក្នុងឈុតពណ៌ទឹកប្រាក់ស្អាតញាក់

ភ្នំពេញ៖ ពិតណាស់ ជាដៃគូសិល្បៈដ៏សាកសមរវាងលោក ជា វណ្ណារិទ្ធ និងកញ្ញា ហ៊ិន ចាន់នីរ័ត្ន ចាប់តាំងពីពេលប្រកួតFreshieជាប់ចំណាត់ថ្នាក់លេខ១ កាលពី២០០៧មក អ្នកទាំងពីរតែងតែចាប់ដៃគូគ្នាធ្វើការបានយ៉ាងល្អគួរឲ្យសរសើរ។ ជាពិសេស បច្ចុប្បន្នតារាប្រុសស្រីទាំងពីរូបនេះ ក៏ជាពិធីករពិធីការិនីឆ្នើម ប្រចាំស្ថានីយ៍ទូរទស្សន៍បាយ័នផងដែរ។

លើសពីនេះទៅទៀត លោក ជា វណ្ណារិទ្ធ និងកញ្ញា ហ៊ិន ចាន់នីរ័ត្ន ក៏ជាសិល្បករសិល្បៈការិនីដែលទទួលបានប្រជាប្រិយភាពខ្លាំង មានអ្នកគាំទ្រច្រើន។ បើនិយាយពីការងារសិល្បៈវិញ អ្នកទាំងពីរ មានភាពមមាញឹកជាមួយការងារច្រើន សឹងតែគ្មានពេលទំនេរតែម្ដង បើទោះបីតារាប្រុសស្រីមួយគូនេះ មិនសូវទទួលថតខ្សែភាពយន្តដូចជាតារាដទៃ។

ទោះជាយ៉ាងណា មកទល់បច្ចុប្បន្ន អ្នកទាំងពីនៅតែជាដៃគូការងារដ៏សាកសមនិងស៊ីសង្វាក់គ្នាជាទីពេញចិត្តរបស់ទស្សនិកជនជានិច្ច។ ជាក់ស្ដែង ជា វណ្ណារិទ្ធ និងកញ្ញា ហ៊ិន ចាន់នីរ័ត្ន បានរួមការងានឹងគ្នាជាថ្មី ជាពិធីករនិងពិធីការិនីក្នុងពិធីមង្គលការ ជាមួយនឹងឈុតពណ៌ទឹកប្រាក់ ទាំងគូពិតជាស្រស់សង្ហានិស្រស់សោភា ខ្លាំងមែនទែន៕

សូមទស្សនារូបភាពខាងក្រោម៖