គ្រោះថ្នាក់ចរាចរណ៍ រវាងរថយន្តដឹកឥដ្ឋបុករថយន្តមួយគ្រឿង បង្កការភ្ញាក់ផ្អើល

ភ្នំពេញ៖ នៅ ថ្ងៃទី ២៧ ខែតុលា ឆ្នាំ ២០២២ ស្ថិតនៅតាមបណ្ដោយផ្លូវ ហាន់ណូយ កែងផ្លូវបេតុងភូមិរោងចក្រ សង្កាត់គោកឃ្លាងខណ្ឌសែនសុខ រាជធានីភ្នំពេញ។ រថយន្ត vigo ពណ៌សមួយគ្រឿងបើកឆ្លងផ្លូវត្រូវបានរថយន្តដឹកឥដ្ឋមួយគ្រឿងទៀតបើកបុកផ្នែកខាងក្រោយ បណ្ដាលឱ្យរងការខូចខាត។
នៅមុនពេលកើតហេតុគេបានឃើញរថយន្តម៉ាកវីហ្គោពណ៌សមួយគ្រឿង ពាក់ស្លាកលេខ 2BG-2348បានធ្វើដំណើរចេញពីផ្លូវលំ ក្នុងទិសដៅពីលិចទៅកើតឆ្លងផ្លូវហាណូយ លុះខណៈពេលកំពុងធ្វើដំណើរឆ្លងផ្លូវ ត្រូវបានរថយន្តដឹកឥដ្ឋមួយគ្រឿង ពណ៌ស ពាក់លេខ ភ្នំពេញ 3E-6795 បានធ្វើដំណើរក្នុងទិសដៅពីជើងទៅត្បូងជ្រុលចង្កូតមករបុកថយន្តvigo ផ្នែកខាងក្រោយចំហៀងខាងឆ្វេងបណ្ដាលឲ្យរងការខូចកុំពិតផ្នែកខាងក្រោយ។
សមត្ថកិច្ចមូលដ្ឋានបានមកដល់ទីតាំងចំនុចកើតហេតុក៏ឲ្យម្ចាស់រថយន្តទាំងពីរធ្វើការសម្របសម្រួលគ្នា បញ្ចប់រឿងនៅនឹងកន្លែងកើតហេតុតែម្ដង ៕