ទោះធ្លាប់មានកេរ្ត៍ឈ្មោះល្អក់កករក្តី បវរកញ្ញា ពេជ្រ វត្តីសារ៉ាវឌ្ឍី នៅពោលពាក្យសរសើរ អ៉ិន សុភិន ពេញៗមាត់ព្រោះតែរឿងមួយនេះ
ឥណ្ឌូណេស៊ី ៖ កញ្ញា ពេជ្រ វត្តីសារ៉ាវឌ្ឍី ជាបវរកញ្ញាតំណាងកម្ពុជា ចូលរួមក្នុងការប្រកួតសម្រស់ Miss Grand International ២០២២ នៅក្នុងប្រទេសឥណ្ឌូណេស៊ី ទទួលបានចំណាត់ថ្នាត់លំដាប់រងទី៥ មិនធ្លាប់មានពីមុនមកឡើយ។
ជាងនេះទៅទៀត នៅក្នុងថ្ងៃប្រកួតឈុតតំណាងជាតិ ស្រាប់តែហ្វេនៗឃើញវត្តមានរបស់ លោក អ៉ិន សុភិន ម្ចាស់ផលិតកម្មមហាហង្សនិងជាអ្នកគ្រប់គ្រង MGC បានទៅលើកទឹកចិត្តបវរកញ្ញាតំណាងកម្ពុជា កញ្ញា វត្តី ដល់ទឹកដីប្រទេសឥណ្ឌូណេស៊ីផ្ទាល់តែម្តង។
តួយ៉ាង ក្រោយទទួលបានចំណាត់ថ្នាក់និងកៀកថ្ងៃវិលត្រឡប់មកមាតុភូមិវិញ បវរកញ្ញាតំណាងកម្ពុជារូបនេះ បានបង្ហោះសារសរសើរពីទឹកចិត្ត លោក អ៉ិន សុភិន យ៉ាងដូច្នេះថា ៖
នាងខ្ញុំសូមនិយាយការពិតមួយពេលដែល MC ប្រកាសTO20 នាងខ្ញុំគាំងអារម្មណ៏អស់ហើយដោយគិតថាខ្ញុំរឺមិនមែនខ្ញុំរហូតដល់MCគាត់ប្រកាសម្ដងទៀតនិងមានការស្រែកប្រាប់ពី Miss ដ៏ទៃទើបដើរចេញមកទាំងទឹកភ្នែករលីងរលោង ដល់ពេលប្រកាស TOP10 នាងខ្ញុំរភើបហ៊ោសើចលាយទឹកភ្នែក ហើយគិតថានាងខ្ញុំធ្វើបានហើយពេលនេះ ពេលប្រកាស TOP5 ជាទឹកចុងក្រោយ ពេលនោះដៃខ្ញុំញ័រទទ្រើតជើងក៏ញ័រ ទាំងមាត់ស្លេកនឹងញ័រអស់ហើយ ក្រោយមិនបានលឺការប្រកាសឈ្មោះនាងខ្ញុំមុនដំបូងរាងតូចចិត្តយ៉ាងខ្លាំងទឹកភ្នែកក៏ស្រក់មកតែភាពញញឹមត្រូវតែមានជានិច្ច បន្ទាប់មកក៏ប្រឹងសម្រួលអារម្មណ៍អោយទៅជាធម្មតាដើម្បីថតរូប។ ក្រោយមកលោកពូ អុិន សុភិន ជា National Director Miss Grand Cambodia បានឡើងមកលើឆាកដោយមានភាពសប្បាយរីករាយតែភ្នែករបស់គាត់រលីងរលោងទឹកភ្នែកដែរ ពេលនោះនាងខ្ញុំទប់អារម្មណ៏មិនបានក៏ស្រក់ទឹកភ្នែកមកដែរ។
គួរបញ្ជាក់ផងដែរថា អ្នកគាំទ្រវិស័យបវរកញ្ញានៅកម្ពុជាភាគច្រើន បង្ហាញការមិនពេញចិត្តចំពោះការគ្រប់គ្រងMGC របស់លោក អ៉ិន សុភិន ជាញឹកញយតែងមានបញ្ហាដកហូតតំណែងបវរកញ្ញា និងបញ្ហានានារងមតិរិះគន់ពីគេឯងស្ទើររាល់ឆ្នាំ ប៉ុន្តែគេក្រឡេកឃើញរូបលោក ទទួលការគោរពស្រឡាញ់ពីបវរកញ្ញាគ្រប់ៗជំនាន់៕
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
