ទឹកចិត្តមិត្តពិតៗ បើទោះបីជាខ្លួនមិនបានទទួលបានតំណែងណាមួយ ប៉ុន្តែ Miss Grand Japan បង្ហាញការអបអរ ពេជ្រ វត្តីសារ៉ាវឌ្ឍី យ៉ាងចេញពីចិត្ត
កម្សាន្ត៖ ពិតណាស់ ការប្រកួតប្រជែងបវរកញ្ញា សម្រស់ និងចំណេះដឹង Miss Grand International បានបញ្ចប់ទៅដោយរលូន កាលពីយប់ថ្ងៃទី២៥.១០.២០២២ នេះ។ ក្នុងនោះ សម្រាប់បវរកញ្ញាកម្ពុជាយើង ក៏ទទួលបានតំណែងTop10 ថែមទាំងជា5th Runner up ទៀតផង។
យ៉ាងណាមិញ ក្រោយពីបញ្ចប់កម្មវិធី និងទទួលបានជ័យលាភី Top10 ហើយ ពេជ្រ វត្តីសារ៉ាវឌ្ឍី ទទួលបានការអបអរសាទរ ថែមទាំងពេញចិត្តយ៉ាងពេញទំហឹង ពីសំណាក់អ្នកគាំទ្រ ស្ទើរទូទាំងប្រទេសកម្ពុជា។
ប៉ុន្តែអ្វីដែល អ្នកគាំទ្រកំពុងតែចាប់អារម្មណ៍ខ្លាំង នាពេលថ្មីៗនេះគឺ ក្រោយពេលដែលឃើញម្ចាស់ជ័យលាភីហើយ បេក្ខនារីដែលជាបវរកញ្ញាទាំងអស់ បានអបអរសាទរ ក៏ដូចជាជូនពរលាគ្នាត្រលប់ទៅប្រទេសរៀងខ្លួន ស្រាប់តែគេសង្គេតឃើញ មិត្តរួមបន្ទប់របស់ សារ៉ាវឌ្ឍី គឺMiss Grand Japan បានអើតតាមរកបវរកញ្ញាកម្ពុជា ដើម្បីអបអរគ្នា យ៉ាងចេញពីចិត្តបើទោះបីជា នាង មិនទទួលតំណែងណាមួយក៏ដោយ មើលទៅពិតជាបង្ហាញពីមិត្តភាពពិតៗ ធ្វើឲ្យអ្នកគាំទ្ររំភើបចិត្តជាខ្លាំង៕
សូមទស្សនារូបភាព និងជូនវីដេអូខាងក្រោម៖
@sooojiiii2 មកអើតរកវត្តី ទាល់តែឃើញ ទាយមើលថានាងជានរណា..? #soojipageant #missgrandinternational2022
