ល្បីខ្លាំងមែន សូម្បីតែតារារ៉េបល្បីឈ្មោះដូច លោក G-Devith ក៏នៅឈប់មើល តារាចម្រៀងពន្លកថ្មី តិចម៉េង ច្រៀងនៅផ្សារទំនើប

រាជធានីភ្នំពេញ ៖ ដូចបានជ្រាបរួចមកហើយថា តាំងពីលើកពាននៅក្នុងការប្រកួត Cambodian Idol រដូវកាលទី៤រួចមក តារាចម្រៀង លីម តិចម៉េង ពិតជាទទួលការគាំទ្រយ៉ាងពេញទំហឹង ទទួលបានការងារចេញច្រៀង ថតMVបទថ្មី បន្តកន្ទុយគ្នាគ្មានរំលងថ្ងៃឡើយ។

ជាងនេះទៅទៀត តារាចម្រៀងពន្លកថ្មីរូបនេះ កាន់តែមានប្រជាប្រិយភាពខ្លាំងឡើងៗ ពីមួយថ្ងៃទៅមួយថ្ងៃ ជាក់ស្តែងរាល់ពេលមានការប្រគុំតន្ត្រីម្តងៗ ទោះមេឃភ្លៀងយ៉ាងណា ក៏នៅបងប្អូននៅចាំមើលតារាប្រុស តិចម៉េង ច្រៀងរហូតដល់ចប់ មិនតែប៉ុណ្ណោះ ពេលមនុស្សបាក់មកគាំទ្រច្រើនពេក រូបលោកក្រាបសំពះអរគុណហ្វេនៗថែមទៀតផង។

អ្វីដែលគួរឲ្យចាប់អារម្មណ៍នោះ ថ្មីៗនេះមានការចែករំលែកវីដេអូលើTikTok សូម្បីតែតារាចម្រៀងរ៉េបល្បីឈ្មោះដូចជា លោក ងួន ចាន់ដេវីត ក៏ឈប់ឈរមើលតារាប្រុសរូបនេះច្រៀង នៅក្នុងផ្សារទំនើបផងដែរ នរណាមិនល្បីបើកក្រើកលើបណ្តាញសង្គមម្លឹងៗ។

គួរបញ្ជាក់ផងដែរថា ក្នុងចំណោមការប្រកួតចម្រៀងលំដាប់ពិភពលោក Cambodian Idol ទាំង៤រដូវកាលនៅក្នុងស្រុកខ្មែរ ការប្រកួតរដូវកាលទី៤នេះ ផ្ទុះការចាប់អារម្មណ៍ខ្លាំង សូម្បីតែពិធីករ ពិធីការិនី ប្រចាំការប្រកួតទាំង៤រដូវកាលនេះ ក៏លាន់មាត់ល្បីខ្លាំងផងដែរ ព្រោះតែបេក្ខភាពឆ្នាំនេះ ម្នាក់ៗពោរពេញដោយសមត្ថភាពមិនធម្មតាឡើយ៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

ចុចនៅទីនេះ ដើម្បីមើលវីដេអូ ​៖ https://www.tiktok.com/@_march02/video/7157724844136664346?is_from_webapp=1&sender_device=pc&web_id=6913934187679139329