កំពុងពពោះកូនដំបូងមែនពិត តែសម្រស់តារាចម្រៀង ទេព បូប្រឹក្ស នៅជះចំហាយទាក់ទាញ ធ្វើឲ្យហ្វេនៗនាំគ្នាលាន់មាត់គ្រប់គ្នាតែម្តង

រាជធានីភ្នំពេញ ៖ ក្រោយសេពគប់គ្នា ដោយបើកចំហអស់ច្រើនឆ្នាំ កាលពីប៉ុន្មានថ្ងៃមុននេះ កញ្ញា ទេព បូព្រឹក្ស តារាចម្រៀងយុវវ័យល្បីឈ្មោះនៅកម្ពុជា បានប្រកាសដំណឹងរីករាយទទួលបានសមាជិកថ្មី កំពុងពពោះកូនដំបូង ដែលមានលោកប៉ាជាតារារ៉េប ងួន ចាន់ដេវីត។

យ៉ាងណាមិញ ដំណឹងនេះធ្វើឲ្យហ្វេនៗ និងតារាខ្មែរជាច្រើន នាំគ្នាចូលរួមអបអរសាទរព្រោងព្រាត ជាងនេះទៅទៀត គេក្រឡេកឃើញតារាស្រីរូបនេះ ទើបនឹងទម្លាយរូបភាពពពោះ នៅក្នុងposter បទថ្មីរបស់ខ្លួនតែប៉ុណ្ណោះ កន្លងមក មិនធ្លាប់បានប្រទះរូបភាពខ្ទាតពោះ ឬ រូបភាពពពោះសោះឡើយ ជាហេតុ ធ្វើឲ្យហ្វេនៗកាន់តែចង់ឃើញ រូបភាពពពោះជាច្រើនទៀតរបស់កញ្ញា ទេព បូព្រឹក្ស ជាខ្លាំង។

ជាមួយគ្នានេះ ជាងធ្វើសក់ម្នាក់ បានចែករំលែកវីដេអូខ្លីលើបណ្តាញ TikTok កញ្ញា ទេព បូព្រឹក្ស ផាត់មុខ ធ្វើខ្លួនតែបន្តិច អ្នកគាំទ្រមើលសឹងមិនស្គាល់ ស្អាតប្លែកជាងពេលមុនទៅទៀត មុខមាត់ភ្លឺស្រស់បស់ ទោះកំពុងពពោះក្តី តែមើលសម្រស់របស់ តារាចម្រៀងស្រីរូបនេះ កាន់តែស្អាតជាងមុន មិនបាក់សម្រស់សូម្បីតែបន្តិច៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

ចុចនៅទីនេះ ដើម្បីមើលវីដេអូ ៖ https://www.tiktok.com/@sopheak_sak/video/7157712916685327642?is_from_webapp=1&sender_device=pc&web_id=6913934187679139329