ជិតបានមើល ខ្ញុង សម្ដែង កំប្លែងវិញហើយមើលទៅ ក្រោយពីអ្នកនាងទម្លាយបែបនេះថា….
ភ្នំពេញ៖ ពិតណាស់ ក្រោយពីល្បីសុះសាយរឿងបំណុលជុំទិសរួចមក តារាកំប្លែង អ្នកនាង ខ្ញុង ក៏បានលាឈប់ពីសិល្បៈ លេងបានបង្ហាញមុខនៅលើកញ្ចក់ទូរទស្សន៍ទៀតហើយ។ ជាមួយគ្នានេះ អ្នកនាង និងស្វាមីក៏បានងាកមកចាប់មុខរបរលក់ប្រហុកផ្អកធម្មតា។
យ៉ាងណាមិញ កន្លងទៅមហាជនក៏សោកស្តាយ នូវទេពកោសល្យ របស់អ្នកនាង ដែលតែងតែធ្វើឲ្យទស្សនិកជនសើចសប្បាយ ជាមួយភាពកំប្លុកកំប្លែងរបស់អ្នកនាង។ ដោយឡែក នាពេលនេះ អ្នកនាង ស្រេង សុកាន់ដា ហៅ ខ្ញុង ក៏បានទម្លាយរឿងរ៉ាវមួយដែលមិនស្មានដល់ថា នាពេលថ្មីៗនេះ លោក វ៉ិចទ័រ ដែលអ្នកដឹកនាំកម្មវិធីដ៏ល្បីបានកំពុងតែទាក់ទងជាមួយអ្នកនាង ខ្ញុង ដើម្បីអោយអ្នកនាងមកចូលរួមសម្តែងជាមួយក្រុមរបស់លោកតាវ៉ិចទ័រ ម្តងទៀត។
ក្នុងនោះ អ្នកនាង ខ្ញុង បានបន្តថា លោកតាវ៉ិចទ័រ បានទាក់ទងអ្នកនាងប្រមាណជា១ខែហើយ ប៉ុន្តែកាលពីពេលដែលលោកតាទាក់ទង គឺអ្នកនាងមានបញ្ហាជាច្រើនដែលត្រូវដោះស្រាយ ជាពិសេសរឿងបំណុលដែលអ្នកនាងជំពាក់គេនេះតែម្តង។ អ្នកនាងបន្តថា ប្រសិនបើកអ្នកនាងទៅសម្តែងជាមួយក្រុមលោកតាវ៉ិចនោះ គឺអ្នកនាងសុំមិនចុះកុងត្រានោះឡើយ ដោយមូលហេតុ អ្នកនាងចង់សម្តែងមួយថ្ងៃបើកលុយមួយថ្ងៃវិញល្អជាង។ អ្នកនាងបន្ត ការវិញចូលទ្រនំថ្មី ឬចូលសម្តែងជាមួយលោកតា អ្នកនាងសុំគិតមើលសិន៕
សូមទស្សនារូបភាពខាងក្រោម៖
