មើលអ្នកម៉ាក់សម័យគេផង នីឡា បង្ហាញខ្លួនលើកដំបូង សម្រស់ឡើងញាក់ ដូចមិនមែនទើបសម្រាល

ភ្នំពេញ៖ ពិតណាស់ តារាកំប្លែងស្រីវ័យក្មេងដ៏មានប្រជាប្រិយភាព អ្នកនាង នីឡា រៀបការជាមួយស្វាមីជិតមួយឆ្នាំរួចមក ពេលនេះនាងក៏ទទួលបាន ចំណងដៃកូនស្រីម្នាក់ផងដែរ។

មិនតែប៉ុណ្ណោះ គេសង្គេតឃើញថា អ្នកម៉ាក់រូបនេះនៅក្នុងអំឡុងពេលទម្ងន់នេះ បានធ្វើឲ្យមានការចាប់អារម្មណ៍ ជាខ្លាំងជាមួយសម្រស់ផ្ទៃមុខដ៏រលោងម៉ដ្ឋខៃ សឹងស្រមោចវារជ្រុះគ្មានសូម្បីប្រែពណ៌សម្បុរបន្តិច នៃកូនដំបូងរបស់តារាស្រីរូបនេះ។

លើសពីនេះ មិនត្រឹមតែទទួលបានការចាប់អារម្មណ៍ទៅលើសម្រស់ កំឡុងពេលពរពោះនោះទេ តែបើក្រលេកមើល នីឡា ក្រោយពីសម្រាលហើយវិញ គឺរឹតតែទាក់ទាញបន្ថែមទៀត ក្រោយពីសម្រាលបានជាងមួយខែ អ្នកម៉ាក់សម័យថ្មីរូបនេះ បានបង្ហាញខ្លួនលើដំបូងក្នុងការតុបតែងខ្លួន យ៉ាងស្រស់ស្អាត សម្រស់នៅតែខ្ចីញ៉េញ ផ្ទៃមុខពេញក្រឡង់ គួរឲ្យស្រលាញ់តែម្ដង៕

សូមទស្សនារូបភាពខាងក្រោម៖